Rasasudhakara 4.16

Rasasudhākara 4.16

Language: Sanskrit

4.16

adhvanā yathā'sadyaḥ purīparisare'pi śirīṣamṛdvī
sītā javāt tricaturāṇi padāni gatvā
gantavyamadya kiyadityasakṛd bruvāṇā
rāmāśrugaḥ kṛtavatī prathamāvatāram ||'
nṛttena yathā-'svedakleditakaṅkaṇāṃ bhujalatāṃ kṛtvā mṛdaṅgāśrayāṃ
ceṭīhastasamarpitaikacaraṇā mañjīrasandhitsayā
sā bhūyaḥ stanakampasūcitarayaṃ niḥśvāsamāmuñcatī
raṅgāsthānamanaṅgasātkṛtavatī tālāvadhau tasthuṣī ||'
ratyā yathā mamaiva - 'nitāntasurataśrāntām' ityādiḥ
atha madaḥ -
madastvānandasammohasambhedo madirākṛtaḥ
sa tridhā taruṇo madhyo'pakṛṣṭaśceti bhedataḥ

Previous: 4.15
Next: 4.17
Up: 4

Linked texts (1)

Rasārṇavasudhākara — Siṃhabhūpāla, Sanskrit