Rasasudhakara 4.160

4.160

‘apakartāhamasmīti mā te manasi bhūd bhayam
vimukheṣu na me khaṅgaḥ prahartuṃ jātu vāñchati ||’
‘sarvāḥ sampattayastasya santuṣṭaṃ yasya mānasam
upānadgūḍhapādasya nanu carmāstṛtaiva bhūḥ ||’
‘sādhāraṇyānnirātaṅkaḥ kanyāmanyo'pi yācate
kiṃ punarjagatāṃ jetā prapautraḥ parameṣṭhinaḥ ||’
tadaṣṭāveva vijñeyāḥ sthāyino munisammatāḥ
sthāyino'ṣṭau trayastriṃśat sañcāriṇo'ṣṭa sāttvikāḥ
evamekonapañcāśad bhāvāḥ syurmilitā ime
evaṃ hi sthāyino bhāvān śiṅgabhūpatirabhyadhāt