Rasasudhakara 4.30

4.30

ākāraiḥ sāttvikaiśceṣṭā tvaṅgapratyaṅgajāḥ kriyāḥ
yathā —
'tatsaṃkhyā marutāthavā pracalitā vallīti muhyadviyo
dṛṣṭyā vyākulatārayā nigadato mithyāprasādaṃ mukhe
gaṅgānūtanasaṅginaḥ paśupaterantaḥpuraṃ gacchato
nūtnā saiva daśā svayaṃ piśunatāṃ devīsakhīnāṃ gatā ||'
aparādhāt parotthā yathā —
'prīte purā puraripau paribhūya martyān
vavre'nyato yadabhayaṃ sa bhavānahaṃyuḥ
tanmarmāṇi spṛśati māmatimātramadya
hā vatsa ! śāntamathavā daśakandharo'si ||'
atha trāsaḥ —
trāsastu cittacāñcalyaṃ vidyutkravyādgarjitaiḥ