Rasasudhakara 4.54

4.54

niśceṣṭāṅgabhramaṇapatanāghūrṇanādayaḥ
āpado yathā —
‘tato'bhiṣaṅgānilavipraviddhā
prabhraśyamānābharaṇaprasūnā
svamūrttilābhaprakṛtiṃ dharitrīṃ
lateva sītā sahasā jagāma ||’
bhīteryathā —
‘smarastathābhūtamayugmanetraṃ
paśyannadūrānmanasāpyadhṛṣyam
nālakṣayat sādhvasasannahastaḥ
srastaṃ śaraṃ cāpamapi svahastāt ||’
viyogād yathā —
‘tad vaktraṃ nayane ca te smitasudhāmugdhaṃ ca tad vācikaṃ
sā veṇī sa bhujakramo'tisaralo līlāḷasā sā gatiḥ
tanvī seti ca seti seti satataṃ taddhyānabaddhātmano
nidrā no na ratirna cāpi viratiḥ śūnyaṃ mano vartate ||’
atha mṛtiḥ —
vāyordhanañjayākhyasya viprayogo ya ātmanā