Rasasudhakara 4.66

4.66

nakhonāmañcalairbhūmilekhanaṃ caivamādayaḥ
akāryakaraṇād yathā —
‘gurvādeśādeva nirmīyamāṇo
nādharmāya strīvadho'pīpsito'yam
adya sthitvā śvo gamiṣyadbhiralpairlajjāsmābhirmīlitākṣairjitaiva ||’
avajñayā yathā —
‘avadhūyāribhirnītā hariṇaistulyavṛttittām
anyonyasyāpi jihrīmaḥ prāgeva sahavāsinām ||’
stutyā yathā —
‘tasya saṃstūyamānasya caritārthaistapasvibhiḥ
śuśubhe vikramodagraṃ vrīlādavanataṃ śiraḥ ||’
navasaṅgamena yathā —
‘paṭālagne patyau namayati mukhaṃ jātavinayā
ham̐ṭhāśleṣaṃ vāñchatyapaharati gātrāṇi nibhṛtam
na śaktāpyākhyātuṃ smitamukhasakhīdattanayanā
hriyā tāmyatyantaḥ prathamaparibhoge navavadhūḥ ||'
'udvṛttārikṛtābhimanyunidhanaprodbhūtatīvrakrudhaḥ
pārthasyākṛtaśātravapratikṛterantarrucā muhyataḥ
kīrṇā bāṣpakaṇaiḥ patanti dhanuṣi vrīḍājaḍā dṛṣṭayo
hā vatseti giraḥ sphuranti na punarniryānti kaṇṭhād bahiḥ ||'
avahitthākāraguptirjaihmyaprābhavanītibhiḥ