Rasasudhakara 4.83

4.83

aparādhād yathā-'praṇayisakhīsalīlaparihāsarasādhigatairlalitaśirīṣapuṣpahananairāpa tāmyati yat
vapuṣi vadhāya tatra tava śastramupakṣipataḥ
patatu śirasyakāṇḍayamadaṇḍa ivaiṣa bhujaḥ ||'
atra mālatīnikārarūpāparādhād mādhavasyaugrayam
avamānād yathā -
'ajñātapūrvāṃ dviṣatāmavajñāṃ vijñāpayantaṃ pratighāndhacetāḥ
ājñāharaṃ prājñavinindyakarmā yajñāśivairī gadyā jaghāna
dhairyādigrahaṇād yathā -
'bhujaviṭapamardena vyarthamandhaṃbhaviṣṇurdhigapasarasi coraṃkāramākruśyamānaḥ
tvadurasi vidadhātu svāmavaskārakeliṃ
kuṭilakarajakoṭikrūrakarmā jaṭāyuḥ ||'
asatapralāpād yathā -
'kathamapi na niṣiddho duḥkhinā bhīruṇā vā
drupadatanayapāṇistena pitrā mamādya
tava bhujabaladarpādhmāyamānasya vāmaḥ
śirasi caraṇa eṣa nyasyate vārayainam ||'
athāmarṣaḥ -
adhikṣepāvamānādyaiḥ krodho'marṣa itīryate
tatra svedaśiraḥkampāvādhomukhayavicintane