Rasasudhakara 4.90

4.90

madād yathā—
'yasmin mahīṃ śāsati vāṇinīnāṃ
nidrāṃ vihārārdhapathe gatānām
vāto'pi nāsraṃsayadaṃśukāni
ko lambayedāharaṇāya hastam ||'
svabhāvād yathā—
'uttānāmupadhāya bāhulatikāmekāmapāṅgāśrayāmanyāmapyalasāṃ nidhāya vipulābhāge nitambasthale
nīvīṃ kiñcidiva ślathāṃ vidadhatī niḥśvāsamunmuñcatī
talpotpīḍenatiryagunnatakucā nidrāti śātodarī ||'
vyāyāmād yathā'alasavalitamugdhānyadhvasampātakhedāt
praśithilaparirambhairdattasaṃvāhanāni
parimṛditamṛṇālīdurbalānyaṅgakāni
tvamurasi mama kṛtvā yatra nidrāmavāptā ||'
naiścintyād yathā'dattendrābhayadakṣiṇāhatabhujāsambhāragambhīrayā
tvadvṛttyā śithilīkṛtatribhuvanatrāṇāya nārāyaṇaḥ
antastoṣatuṣārasaurabhamayaśvāsānilāpūraṇaprāṇottuṅgabhujaṅgatalpamadhunā bhadreṇa nidrāyate ||'
śramād yathā'kevalaṃ priyatamādyālunā
jyotiṣāmavanatāsu paṅktiṣu
tena tatparigṛhītavakṣasā
netramīlanakutūhalaṃ kṛtam ||'
atha suptiḥudreka eva nidrāyāḥ suptiḥ syāt tatra vikriyā
indriyoparatirnetramīlanaṃ srastagātratā