Rasasudhakara 4.93

4.93

śiraḥkaṇḍūyanaṃ cāṅgavalanaṃ caivamādayaḥ
svapnād yathā —
‘tribhāgaśeṣāsu niśāsu ca kṣaṇaṃ
nimīlya netre sahasā vyabudhyata
kva nīlakaṇṭha! vrajasītyalakṣyavāgasatyakaṇṭhārpitabāhubandhanā ||’
sparśanād yathā —
‘āghrāya cānanamadhistanamāyatākṣyāḥ
suptaṃ tadā tvaritakelibhuvā śrameṇa
prābhātikaḥ pavana eṣa sarojagandhī
prābodhayanmaṇigavākṣasamāgato mām ||’
niḥsvānād yathā—
‘uṣasi sa gajayūthakarṇatālaiḥ
paṭupaṭahadhvanibhirvinītanidraḥ
aramata madhurasvarāṇi śṛṇvan
vihagavikūjitavandimaṅgalāni ||'
uttamādhamamadhyeṣu sāttvikā vyabhicāriṇaḥ