Rasasudhakara 5.127

5.127

yathā mālavikāyāṃ—'rājā — aho sarvāsrvavasthāsu
cārutā śobhāntaraṃ puṣyati
vāmaṃ sandhistimitavalayaṃ nyasya hastaṃ nitambe
kṛtvā śyāmāviṭapasadṛśaṃ srastamuktaṃ dvitīyam
pādāṅguṣṭhālulitakusume kuṭṭime pātitākṣaṃ
nṛttādasyāḥ sthitamatitarāṃ kāntamṛjvāyatārdham
ityatretarasamakṣaṃ sthitāyāḥ saṃsthānajātivarṇanādidaṃ pratyakṣadṛṣṭam | apratyakṣadṛṣṭaṃ yathā padmāvatyāṃ —
'vyatyastapādakamalaṃ valitatribhaṅgīsaubhāgyamaṅgaviralīkṛtakeśapāśam
piñchāvataṃsamurarīkṛtavaṃśanālaṃ
vyāmohanaṃ navamupaimi kṛpāviśeṣam
ityatrāpratyakṣasyaiva gopālasundarasya saṃsthānaviśeṣajātivarṇanāyāmapi dṛṣṭavadābhāsanādidamapratyakṣadṛṣṭam
śrīśiṅgabhūśena kavīśvarāṇāṃ
viśrāṇitānekavibhūṣaṇena
ṣaṭtriṃśaduktāni hi bhūṣaṇāni
salakṣmalakṣyāṇi munermatena