Rasasudhakara 5.139

5.139

aṣṭapadānvitā yathā mahāvīracarite —
‘atha svasthāya devāya nityāya hatapāpmane
tyaktakramavibhāgāya caitanyajyotiṣe namaḥ ||’
daśapadānvitā yathā abhirāmarāghave—‘kriyāsuḥ kalyāṇaṃ—’
ityādi
dvādaśapadānvitā yathānargharāghave —
‘niṣpratyūhamupāsmahe bhagavataḥ kaumodakīlakṣmaṇaḥ
kokaprīticakorapāraṇapaṭujyotiṣmatī locane
yābhyāmardhavivodhamugdhamadhuraśrīrardhanidrāyito
nābhīpalvalapuṇḍarīkamukulaḥ kamboḥ sapatnīkṛtaḥ ||’
atraiva maṅgalārthapadaprāyatvaṃ candranāmāṅkitatvaṃ ca
draṣṭavyam
nāndyante tu praviṣṭena sūtradhāreṇa dhīmatā
prasādhanāya raṅgasya vṛttiyoṃjyā hi bhāratī