Rasasudhakara 5.152

Rasasudhākara 5.152

Language: Sanskrit

5.152

tvayā prayogaḥ kriyatāmityutkaṇṭhitacetasaḥ
ye sūtriṇaṃ prārthayante te śaktyā prārthakāḥ smṛtāḥ
vistarāduta saṅkṣepāt prayuñjīta prarocanām
saṃkṣiptā prarocanā yathā ratnāvalyāṃ —
‘śrīharṣo nipuṇaḥ kaviḥ pariṣadapyeṣā guṇagrāhiṇī
loke hāri ca vatsarājacaritaṃ nāṭye ca dakṣā vayam
vastvekaikamapīha vāñchitaphalaprāpteḥ padaṃ kiṃ punarmadbhāgyopacayādayaṃ samuditaḥ sarvo guṇānāṃ gaṇaḥ ||'
atra kathānāyakakavisabhyanaṭānāṃ caturṇāṃ saṃkṣepeṇa varṇanādiyaṃ saṃkṣiptaprarocanā | vistarāttu bālarāmāyaṇādiṣu draṣṭavyā
evaṃ prarocayan sabhyān sūtrī kuryādathāmukham

Previous: 5.150
Next: 5.153
Up: 5

Linked texts (2)

Rasārṇavasudhākara — Siṃhabhūpāla, Sanskrit
Alaṅkārasaṅgraha — Amṛtānandayogin, Sanskrit