Rasasudhakara 5.172
Rasasudhākara 5.172
- Language
- Sanskrit
5.172
atra sūtradhāreṇārthe vivakṣite svargasthitilakṣaṇārthasūcakaraktaprasādhitabhuvaityādiśliṣṭavākyasya sahasā prastutasambandhitayābhāṣitatvād gaṇḍam
athāvasyanditaṃ —
pūrvoktasyānyathoktiḥ syād yatrāvasyanditaṃ hi tat
yathā veṇīsaṃhāre — ‘sūtradhāraḥ —
satpakṣā madhuragiraḥ prasādhitaborder[i?]tāśā madoddhatārambhāḥ
nipatanti dhārtarāṣṭrāḥ kālavaśānmedinīpṛṣṭhe
(praviśya sambhrāntaḥ) pāripārśvakaḥ — śāntaṃ śāntaṃ pāpaṃ pratihatamamaṅgalam | sūtradhāraḥ — mā bhaiṣīḥ | nanu śaratsamayavarṇanā| haṃsān dhārtarāṣṭrā iti vyapadiśāmi |’
atra pūrvoktasya suyodhanādinipātasya haṃsapātanavyākhyānādidamavasyanditam
atha nālikā —
prahelikā nigūḍhārthā hāsyārtha nālikā smṛtā