Rasasudhakara 5.185

5.185

praveśanirgamābhāvādiyamaṅgād bahirgatā
‘tamisrāmūrchālatrijagadagadaṅkārakiraṇe
raghūṇāṃ gotrasya prasavitari deve savitari
puraḥsthe dikpālaiḥ saha paragṛhāvāsavacanāt
praviṣṭā vaidehī dahanamatha śuddhā ca niragāt ||’
‘kaṇṭhe kṛttāvaśeṣaṃ kanakamayamadhaḥ śṛṅkhalādāma karṣan
krāntvā dvārāṇi helocalacaraṇaraṇatkiṅkiṇīcakravālaḥ
dattāśaṅko'ṅganānāmanusṛtasaraṇiḥ sambhramādaśvapālaiḥ
prabhraṣṭo'yaṃ plavaṅgaḥ praviśati nṛpatermandiraṃ mandurāyāḥ ||’
ityādi | atra nepathyagataiḥ pātraiḥ prayogānucitasya vānaraviplavādyarthasya sūcanādiyaṃ madhyacūlikā
atha khaṇḍacūlikā —
raṅganepathyasaṃsthāyipātrasaṃllāpavistaraiḥ