Rasasudhakara 5.278

5.278

yathā tatraiva prahasane - 'rājā - (saudāryodrekam) aye
biḍālākṣa ! asmadīye nagare viṣaye ca,
patihīnā ca yā nārī jāyāhīnaśca yaḥ pumān
tau dampatī yathākāmaṃ bhavetāmiti ghoṣyatām
biḍālākṣaḥ - devaḥ pramāṇam | (iti sānucaro niṣkrāntaḥ |) guhyagrāhī - (saślāghāgauravam)
naṣṭāśvabhagnaśakaṭanyāyena pratipāditam
ucitā te mahārāja ! seyaṃ kāruṇyaghoṣaṇā
apica,
manvādayo mahīpālāḥ śataśo gāmapālayan
na kenāpi kṛto mārga evamāścaryasaukhyadaḥ ||'
atrāyogyasyāpi rājādeśasya dharmādhikāriṇā guhyagrāhiṇā nyāyaparikalpanayā yogyatvenānumodanādayaṃ pralāpaḥ
śuddhaṃ kīrṇaṃ vaikṛtaṃ ca tacca prahasanaṃ tridhā
śuddhaṃ śrotriyavākyāderveṣabhāṣādisaṃyutam