Rasavilasa 1.22

1.22

ityāhuḥ | tanna | naṭe śamābhāvāditi heturasaṃgataḥ | naṭe rasābhivyakterasvīkārāt | sāmājikānāṃ śamavattvena tatra rasodbodhe bādhakābhāvān | na ca
naṭasya śamābhāvān tadabhinayaprakāśakatāyā anupapattiriti vācyam | tasya
bhayakrodhāderapyabhāvena tadabhinayaprakāśakatāyā apyanupapatteḥ | yadi ca
naṭasya krodhāderabhāvena vāstavatatkāryāṇāṃ vadhabandhādīnāmutpattyasaṃbhave'pi
kṛtrima tatkāryāṇāṃ śikṣābhyāsādita utpattau nāsti bādhakamiti nirīkṣyate
tadā prakṛte'pi dīyatāṃ dṛṣṭiḥ | atha nāṭye gītavādyādīnāṃ virodhināṃ
sattvāt sāmājiveṣvapi viṣayavaimukhyātmanaḥ śāntasya kathamudreka iti cet
nāṭye śāntarasamupagacchadbhiḥ phalavalāttadgītavādyāderapyavirodhitvasvīkāraḥ
viṣayacintāsāmānyasya tatra virodhitvasvīkāre tadīyālambanasya saṃsārānityatvasya taduddīpavasya purāṇaśravaṇasatsaṃgapuṇyavanatīrthāvalokanāderapi
viṣayatvena vi[ 5'a ] rodhitvāpatteḥ | ata eva kāvyādarśe daṇḍinauaṣṭāveva rasā nām̐ṭyedhviti kecidacucūdan
tanna cāru, yataḥ kiṃcinna rasaṃ svadate naṭaḥ