Alankarasangraha 7.94

7.94

garbhitasyāduṣṭatvam —
"diṅmātaṅgaghaṭāvibhaktacaturāghāṭā mahī sādhyate
siddhau cāpi vadanta eva hi vayaṃ romāñcitāḥ paśyata
viprāya pratipādyate kimaparaṃ rāmāya tasmai namo
yasmādāvirbhūtakathādbhutamidaṃ tatraiva1 cāstaṃ gatam ||”
adbhute garbhitamapi vadantetyādyadūṣaṇam
viruddhasya guṇatvam—
“neyaṃ niśā divasa eva bhavetkathaṃ me
nidrānyathā nayanayoryugalaṃ na yāti
nāyaṃ śaśī tapana eva tanoti tāpamutpāta eva yadi māstu vibhānti tārāḥ ||”
divasatvaravitvoktirvirahe rātricandrayoḥ