Kavyadarsha 85

85

hṛdayaṅgamā kāntiguṇaṃ nirūpayati, kāntamiti|–laukikasya lokasiddhasya, arthasya anatikramāt atyāgāt, tanmātrasyaiva varṇanāt ityarthaḥ, sarvajagatāṃ sādhāraṇānāṃ, kāntaṃ manoramam, adhyāhārādidoṣābhāvādanvayabodhasaukaryeṇārthasugamatvāt sahṛdayānāṃ hṛdyamityarthaḥ, padyamiti śeṣaḥ, kāntaṃ kāntiguṇaviśiṣṭam; tathā ca sahṛdayamanorañjakalokasiddhavastuvarṇanameva kāntiguṇa iti| (uktañca kramadīśvareṇa yathā,-“varṇanā'tyuktiśūnyā yā sā kāntirabhidhīyate’’ iti| iyaṃ kāntirarthagā,
vaidarbhāṇāṃ kāntasvarūpamāha-kāntamiti| kāntaṃ nāma sarvajagatkamanīyam| tacca laukikārthānatikramāt lokikārthānullaṅghanena bhavitavyam| tat kāntaṃ vārtābhidhāneṣu varṇanāsu ca vidyate| vārtā nāma anyonyakathanam| varṇanā nāma praśaṃsāvacanam|