Pramāṇa · Search · About · API

Vishvalocana 22: atha nāntavargaḥ

Viśvalocana 22

Language
Sanskrit

atha nāntavargaḥ

22.1

naikam
nāstu netari nāvi strī nakāro jinapūjyayoḥ
nuḥ stotari nutau strī ca-syādannaṃ bhaktamuktayoḥ

22.2

nadvitīyam
inaḥ patyau nṛpe sūrye'pyunnaṃ klinne ratāntare
raṇodyoge bhaveddnamūne nyūnā'bhidheyavat

22.3

niśśeṣe triṣu kṛtsnaṃ syākṛtsnaṃ syādudare jale
gānaṃ gīte'pi śabde'pi garhaṇe tu vipūvarkam

22.4

ghanaṃ syātkāṃsyatālādivādye madhyamatāṇḍave
ghanastu meghe mustāyāṃ vistāre lohamudgare

22.5

kāṭhinye cātha kaṭhine sāndre'pi ca ghanastripu
cihnamaṅke patākāyāṃ dhvajamātre'pi na dvayoḥ

22.6

cīno deśāṃśukīhitantubhede mṛgāntare
rahasi cchādite channamutpūrva channamujjvale

22.7

chinnā'mṛtāyāṃ puṃścalyāṃ chinnaṃ bhinne'bhidheyavat
jano loke maharlokātpare loke ca pāmare

22.8

janī sīmantinīvadhvoḥ striyāṃ tu janirudbhave
jinastvarhati buddhe'tivṛddhajitvarayostriṣu

22.9

jyotsnā tu candrikāyāṃ syātsyāllatāyāṃ vibhāvarī
jyotstrī paṭolikāyāṃ ca candrakānvitaniśyapi

22.10

jyānirhānau taṭinyāṃ ca tanurdehetvacoḥ striyām
tanuḥ keśe'pi virale svalpamātre'pi vācyavat

22.11

dānaṃ tyāge gajamade chede śuddhau ca rakṣaṇau
vikrānte vācyavaddānurdānadātari vācyavat

22.12

kātare durgate dīno dīnā mūṣikayoṣiti
dyumnaṃ parākrame vitte prapūrvaṃ puṃsi manmathe

22.13

dhanuḥ puṃsi priyāladrau rāśibhede'pi kārmuke
dhanaṃ tu godhane vitte dhānā bhṛṣṭayave striyām

22.14

dhānyāke'pyaṅkure'bdhau tu dheno dhenī sarityapi
nagnastriṣu vivastre syātpuṃsi kṣapaṇavandinoḥ

22.15

nyūnamūne'pi garhe'pi pānaṃ pītau ca rakṣaṇe
vanaṃ tu kānane nīre'pyutse vāsapravāsayoḥ

22.16

vastraṃ tu vasane mūlye vetanadravyayorapi
vudhnaḥ śiphāyāmīśāne bhānuḥ sūrye'pi dīdhitau

22.17

bhinnaṃ vācyavadanyārthe dārite saṅgate sphuṭam
mānaṃ pramāṇe prasthādau mānaścittonnatau grahe

22.18

mānaḥ syādapi pūjāyāṃ mīno rāśyantare jhaṣe
munirvācaṃyame buddhe priyālā'gastikiṃśuke

22.19

iṅgudāmapi mṛtsnā tu tuvarīmṛtsnayormmatā
yānaṃ vāhyagatau yonirdvayoḥ syādāre bhage

22.20

ratnaṃ maṇāvapi śreṣṭhe ratnaśvakṣūkacaṇḍayoḥ
rāsnā tu syādbhujaṅgākṣyāmelāparṇyāmapi smṛtā

22.21

rāśīnāmudaye lagnaṃ lagnaṃ sakte'pi lajjite
vānaṃ śuṣkaphale śuṣkasyūtayostriṣvatha dvayoḥ

22.22

vanyāśuraṅgāvātormisaurabheṣu kaṭe gatau
vinnaṃ jñāte sthite labdhe śīno'jagaramūrkhayoḥ

22.23

puṃsyeva patriṇi śyenaḥ śyenaḥ śvete'bhidheyavat
sānuḥ śṛṅge budhe'raṇye vātyāyāṃ pallave pathi

22.24

sūnuḥ putre'nuje sūrye sūnurduhitari striyām
sūnaṃ prasūne prasave sūnamucchvasite triṣu

22.25

sūnā putryāṃ vadhasthāne galaśuṇḍyāmapīṣyate
styānaṃ lomni pratiśrutyāṃ matā snigdhe tu vācyavat

22.26

sthānaṃ sthitau ca sādṛśye saṃniveśā'vakāśayoḥ
sthāne syādavyayaṃ khyātaṃ yuktārthakaraṇārthayoḥ

22.27

syūno'rke kiraṇe svapnaḥ suptadhīsvāpadarśane
hanuḥ kapolāvayave mṛtyau praharaṇe'striyām

22.28

gade haṭṭavilāsinyāṃ hīnaṃ garhonayostriṣu
natṛtīyam
aṅganaṃ prāṅgaṇe yānepyaṅganā nāyikāntare

22.29

aṅganā vāmanebhasya hastinyāmapi dṛśyate
añjano dikkarīndre syādañjanaṃ tu rasāñjane

22.30

akṣikajjalasauvīre giribhede'pyathāñjane
jyeṣṭhībhede marutpatyāmañjanī lepyayoṣiti

22.31

adhvā vartmani saṃkleśa skande saṃsthānakālayoḥ
apāno gudavāte syādapānaṃ tu gude matam

22.32

ābjinī visinītyādipadānyabjasarovare
mahāsahāyāmāmlānaḥ puṃsyeva triṣu nirmale

22.33

ayanaṃ pathi bhānośca dakṣiṇottaratogatau
nā'ratniḥ kaphaṇau haste prakoṣṭhavitatāṅgulau

22.34

arjunaḥ pārthakakubhakārtavīryaśikhaṇḍiṣu
māturevasute'pi syādarjuno dhavale'nyavat

22.35

arjunī gavyuṣāyāṃca kuṭṭinīkaratoyayoḥ
arjunaṃ tu tṛṇe netraroge'pi klībamarjunam

22.36

arthī syādyācake yakṣe sevake ca vivādini
arvā haye pumānarvā kutsite'pyabhidheyavat

22.37

arśoghnī tālaparṇī syādarśoghnaḥ śūraṇe pumān
alī tu vṛścike bhṛṅge'pyavanaṃ rakṣaṇe mudi

22.38

aśanistu dvayorvajre taḍityapi matā'śaniḥ
asanaṃ kṣapaṇe klīvamasanaḥ pītasārake

22.39

asiknī sariti preṣyāśuddhāntā'vṛddhayoṣitti
ātmā brahmamanodehasvabhāvadhṛtibuddhiṣu

22.40

ātmāyatte'pyathā''dānaṃ grahaṇe vājibhūṣaṇe
āpannastu vipatprāpte prāpte cāpyabhidheyavat

22.41

āsanaṃ dviradaskandhapīṭhe pīṭhasthitāvapi
āsanī paṇyavīthyāṃ syādāsano jīvakadrume

22.42

uttānamunmukhe supte'pyagambhīre'pi vācyavat
utthānamudyame tantre'pyudyame harṣaṇe raṇe

22.43

prāṅgaṇe pauruṣe caiva malavege ca pustake
udānastūdurāvarte kaṇṭhavātāhibhedayoḥ

22.44

uddhānaṃ cullikāyāṃ syānmatamudgamane'pi ca
udyānaṃ klīvamākrīḍe niḥsṛtau ca prayojane

22.45

kaṭhinā tu matā sthālyāṃ śarkarāyāṃ guḍasya ca
khaṭikāyāṃ tu kaṭhinī kaṭhinaṃ niṣṭhure triṣu

22.46

kadanaṃ yudyādye kāme kampanaṃ kampakampayoḥ
kamanaḥ kāmuke cābhirūpe cāśokakāmayoḥ

22.47

karmma vyāpye kriyāyāṃ ca pare syādaṅgasaṃskṛtau
karttanaṃ chedane tūlatantukarmmaṇi yoṣitām

22.48

kalaglāyāntu kalanaṃ kalanaṃ bandhane'pi ca
kalpanaṃ chedane kḷptau kalpanā gajasajjane

22.49

paṇasya mānadaṇḍasya caturthāṃśe'pi kākinī
kāñcano dhūrttapunnāganāgakesaracampake

22.50

udumbare kāñcanāre haridrāyāṃ ca kāñcanī
klībaṃ tu kāñcane hemni keśare'pi ca kāñcanam

22.51

kānanaṃ vipine'pi syāccaturmukhamukhe gṛhe
vyāse karṇepi kānīnaḥ kānīnaḥ kanyakāsute

22.52

kāminī nāyikābhede vandāyāmapi kāminī
kāmī tu kāmuke koke kāmī pārāvate'pi ca

22.53

kunnānaṃ tu hyalaṅkāre bhājane golakāntare
kuhanā dambhacaryāyāmīrṣyālau dāmbhike triṣu

22.54

kṛtī tu paṇḍite yogye ketanaṃ lāñchane gṛhe
ketanaṃ syātpatākāyāṃ kārye copanimantraṇe

22.55

cīnaikadeśe kaupīnaṃ syādguhyākāryayorapi
kaulīnaṃ tu parīvāde kulīnatve kukarmaṇi

22.56

guhye'pi saṅgare'pi śvabhujaṅgapaśupakṣiṇām
bhavetkrandanamāhvāne matamaśruvimocane

22.57

khaḍgī tu gaṇḍake puṃsi khaḍgī khaḍgāyudhe'pi ca
gandhanaṃ sūcane hiṃsāsamutsāhaprakāśane

22.58

garjanaṃ tu mataṃ kope nisvane meghanisvane
gahanaṃ kānane duḥkhe gahvare kalile'pi ca

22.59

gāyanaṃ khame klīvaṃ ca gītajīvini gāyane
viṣadigdhapaśormāṃse gṛñjanaṃ laśune pumān

22.60

gomī gavīśvare harau syānmaheṣvāsake'pi ca
gostanī hāraharāyāṃ hārabhede tu gostanaḥ

22.61

grāvā tu puṃsi pāṣāṇe girivāridayorapi
ghaṭṭanā calanāyāṃ syādāvṛttyāmapi ghaṭṭinī

22.62

cakrī harikulāla'hikokeṣu grāmajāline
candanā kālibhede syāccandanaṃ malayodbhave

22.63

candanī tu nadībhede carma syātphalakatvacoḥ
carmī phalakapāṇau syādbhṛṅgarīṭe mṛdutvaci

22.64

calanaṃ bhramaṇe kampe vācyavatkampaśālini
calanī vastraghargharyā vārībhede'pi dṛśyate

22.65

cetanaścetanāyukte triṣu saṃvidi cetanā
patre patatre chadanaṃ chadma śāpakilāsayoḥ

22.66

lakṣye'pi charddanastu syānnimbālambuṣavāntiṣu
chedanaṃ bhedane chede jagaṃsturjantuśuṣmaṇoḥ

22.67

jaghanaṃ vanitāśroṇīpurobhāge kaṭāyapi
jayanaṃ tu jaye vājigajaprabhṛtikañcuke

22.68

yavano yavamātre'pi yavādhikaturaṅgame
deśabhede turuṣke'pi javanaḥ prajave triṣu

22.69

tapano ravisantāpe mallake narakāntare
tamoghnaścandrasūryā'gnibuddhaśrīkaṇṭhaviṣṇuṣu

22.70

talinaṃ virale stoke svacchagambhīrayorapi
talunaḥ pavane yūni vācyavattalunī striyām

22.71

temanaṃ vyañjane klede cullikābhidi temanī
todanaṃ vyathane totre tyāgī sūre'pi dātari

22.72

puṣpe vīre'pi damano darśanaṃ dṛśi darpaṇe
svapne vartmani buddhau ca śāstradharmopalabdhiṣu

22.73

daṃśanaḥ śiśire puṃsi daṃśanaṃ kavace rade
dahane duṣṭacarite bhallāte citrake'nale

22.74

dṛśānastu gṛhapatau dṛśānaṃ jyotiṣi smṛtam
devanaḥ pāśake puṃsi dhanva cāpe sthale'pi ca

22.75

dhanvī dhanurddhare khiṅge'pyarjune cārjunadrume
dhamanastvanale bhastrādhmāpakakrūrayostriṣu

22.76

dhamanī kaṃtharāyāṃ ca haridrāśirayorapi
dhāma raśmau gṛhe dehe prabhāvasthānajanmasu

22.77

dhāvanaṃ dhāvite śuddhau pṛśniparṇyāṃ tu dhāvanī
syādbhāvanī rajanyāṃ ca dhautāñjanyāṃ ca tarttare

22.78

dhvajī dvije rathe śaile turaṅge ca bhujaṅgame
nandanoṃ harṣake putre nandanaṃ miśrakāvane

22.79

nandanī tu matā devadhunīdhenunanāndṛṣu
nandī nandīśvare gardabhāṇḍanyagrodhavṛkṣayoḥ

22.80

nalinī tu sarojinyāṃ saroje ca sarovare
vyomagaṅgāmalakayoḥ nalinaṃ tu jalābjayoḥ

22.81

nidānaṃ roganiyame'pyādihetvavamānayoḥ
vatsadāgni nidānaṃ syānnidhanaṃ kulanāśayoḥ

22.82

patrī kāṇḍakhagaśyenanagadrusthike rathe
padminī padmamalinīsarastu vanitāntare

22.83

parva syādutsave granthau darśapratipadopi
tatsandhau viṣuvādau ca prastāve lakṣaṇāntare

22.84

pavano'strī kulālasya pākasthāne'nile pumān
nirvikalpe'pi pavanaḥ pakṣma locanalomani

22.85

pakṣma sūtrādisūkṣmāṃśe pakṣma syātkeśare'pi ca
pāvanaṃ tu jale kṛcchre pāvakādhyāsayoḥ pumān

22.86

pāṭhīnastu vadāle syādapi citravadālake
pāṭhake gugguludrau ca prāyaścitte tu pācanam

22.87

pācanī tu harītakyāṃ pācano vahnisihvayoḥ
pāvanaṃ pāvayitari triṣu pūte'pi pāvanam

22.88

varuṇe puṃsi syātpāśī pāśī pāśadhare'nyavat
piśuno nārade puṃsi khalasūcakayostriṣu

22.89

piśunaṃ kuṅkume klīvaṃ pṛkkāyā piśunā matā
pītanaḥ kapicūte syātpītanaṃ pītadāruṇi

22.90

kuṅkume haritāle ca pūtanā rākṣasībhidi
pathyāyāṃ cātha pṛtanā'nīkinīsainyabhedayoḥ

22.91

syāccamūsainayorathāya prajñānaṃ lāñchane dhiyi
pradhanaṃ dāruṇe saṅgave pradhānaṃ paramātmani

22.92

kṣetrajñadhīmahāmātre'pyekatve tūttame sadā
prasūno vācyavajjāte prasūnaṃ phalapuṣpayoḥ

22.93

prasannā madirāyāṃ syātprasādasahite triṣu
pretvā tu sārase vāte prema tu snehanarmmaṇoḥ

22.94

phālgunastu tapasye syādarjune cārjunadrume
phālgunaḥ syānnadīje'pi phālgunī pūrṇimāntare

22.95

bandhanaṃ tu śataṃbandhe bandhamātre'pi bandhanam
varddhanaṃ chedane vṛddhau vāridhānyāṃ tu varddhinī

22.96

saṃpūrvāddharddhanaṃ poṣe vasanaṃ chādanāṃśuke
vāṇinī tu mattārttakyorvidagdhāyāṃ striyāmatha

22.97

vāsanā vasane vārāsanajñāne ca dhūpane
vāhinī syādanīkinyāṃ sainyabhede sarityapi

22.98

gurau puṃsi budhāmaḥ syādbudhānaḥ paṇḍite'pi ca
bodhanī bodhipippalyorbodhanaṃ gandhadīpane

22.99

suravartmani ca vyoma vyomacāriṇi ca smṛtam
brahmā viriñce vipre'pi ṛtvikkūcandrārkayogayoḥ

22.100

brahma klīvaṃ śrutijñāne'pyadhyātmatapasorapi
brahmāṇyāṃ bhaṭṭhinī nāṭya rājayoṣitti bhaṭṭhinī

22.101

bhaṇḍanaṃ tu khalīkāre yuddhasannāhayorapi
bharmma svarṇe bhṛtau sāre bhavanaṃ bhāvasadmanoḥ

22.102

bhājanaṃ pātre yogye'pi bhāvanā dhyānalepayoḥ
bhuvanaṃ tu jagallokasalileṣu vihāyasi

22.103

bhogī bhogānvite sarpe grāmaṇyāṃ rājñi nāpite
saṃgṛhītastriyāṃ rājabhāryābhede'pi bhoginī

22.104

maṃjanaṃ bhojane klībamalaṃkarttari vācyavat
madanaḥ saraghattūravasantadrumasikthake

22.105

malanaḥ paṭhavāse'pi syānmalanaṃ karddame matam
puṣpavatyāṃ tu mālinī malinaṃ dūṣite'site

22.106

mārjjanaṃ tu mataṃ mārṣṭau mārjjano lodhrapādape
mālinī vṛttabhede syādraṅgāmālikayoṣitoḥ

22.107

gauryyā campānagaryyāṃ ca rāśau tu mithunaḥ pumān
mithunaṃ dampatīyugme sambandhagrāmyadharmmayoḥ

22.108

muṇḍanaṃ vapane trāṇe mehanaṃ śiśnamūtrayoḥ
maithunaṃ syānnidhuvane maithunaṃ saṅgatāvapi

22.109

yamanaṃ syāduparāme bandhane ca yame tathā
yāpanaṃ varttane kālakṣepe nirasane'pi ca

22.110

prajāno brāhmaṇe'pi syātprajānaḥ sārathāvapi
yuvā tu taruṇe śreṣṭhe nisargabalaśālini

22.111

yojanaṃ tu catuḥkrośyāṃ yoge ca paramātmani
rajanī tu haridrāyāṃ lākṣāyāṃ nīlikāṃrase

22.112

rañjano rāgajanake rañjanaṃ raktacandane
rañjanī nīlikāguṇḍāmañjiṣṭhārocanīṣvapi

22.113

jihvākāṃcīrasajñeṣu rasanā rasane svane
khedane mūrcchane bhallāghāte nāsāmarutpathe

22.114

rāgī tu kopane rakte rāgayukte'pi kāmini
rājā candre nṛpe śake kṣatriye prabhuyakṣayoḥ

22.115

rādhanaṃ sādhane prāptau toṣaṇe'pi ca rādhanam
recanī trivṛtā śuṇḍā rocanī dantiphārthikā

22.116

rocano raktakahlāre kūṭaśālmaliśākhini
api gopittamaṅgalāracitastrīṣu rocanā

22.117

rodanaṃ krandane'pi syādaśrumātre'pi rodanam
rohī rohitake bodhidrume nyagrodhapādape

22.118

laṅghanaṃ kramaṇe pīḍākṛttopavasane plutau
lalanā tu nitambinyāṃ jihvāyāṃ nāḍikāntare

22.119

kṣma cihne pradhāne'pi lāñchanaṃ nāmalakṣmaṇoḥ
lekhanaṃ tu lipinyāse charde bhūrje'pi lekhanam

22.120

vacaṅkurvākyaṭau vipre vaśī sugataśakrayoḥ
vapanaṃ muṇḍane vāpye vamanaṃ charddane'rddane

22.121

āhūtāvapyatha klībaṃ varjanaṃ tyāgahiṃsayoḥ
varttanaṃ jīvane jīvye tūlanāle ca varttanam

22.122

varttanī tarkupiṇḍe'pi maline pathi varttanī
varṇī citrakare brahmacārileśvakayorapi

22.123

ākāre śobhane varṣma varṣma dehapramāṇayoḥ
vartma netracchade mārge vāgmī vācaspatau paṭau

22.124

vājī vāhe khage bāṇe kharveṣu triṣu vāmanaḥ
vāmano viṣṇubhede syādaśve yāmyādidiggaje

22.125

vikkinnastimita jīrṇe jarājīrṇepi vācyavat
vicchinnastu samālabdhe vibhakte kuṭile'nyavat

22.126

vijñānaṃ kārmmaṇe jñāne vitānaṃ riktamandayoḥ
triṣu na strī vitānaṃ syādvistārollocayormakhe

22.127

vastraveśmanyavasare vṛtte ca kratukarmmaṇi
vipanno bhujage puṃsi triṣu naṣṭe vipadgate

22.128

vimāno vyomayāne'strī saptabhūmau gṛhe'pi ca
vilagnastvaṃgamadhye syāttriṣveva cāṅgagnayoḥ

22.129

viṣaghnastu śirīṣe syādguṅgtrītrivṛtoḥ striyām
vṛjinaṃ kaluṣe klībaṃ keśe nā kuṭile triṣu

22.130

vṛṣā sureśvare karṇe vedanā jñānapīḍayoḥ
veṣṭanaṃ karṇaśaṣkulyāmuṣṇīṣe mukuṭe vṛttau

22.131

vyañjanaṃ temane śmaśrucihnāvayavakādiṣu
svātantryakṛtye vyutthānaṃ virodhācaraṇe'pi vā

22.132

vyasanaṃ tvaśubhe saktau pānastrīmṛgayādiṣu
daivāniṣṭaphale pāke vipattau viphalodyame

22.133

saktimātre sucaritādbhraṃśe kopajadūṣaṇe
śakunaṃ maṅgalāśaṃsinimitte śakunaḥ khage

22.134

śakuniḥ puṃsi vihage sauvabhre karaṇāntare
śaṅkhinī śaṅkhayūthe syāddbujanastrīprabhedayoḥ

22.135

śaṅkhinī śvetapunnāge corapuṣpyāṃ ca śaṅkhinī
śataghnī śastrabhede'pi vṛścikālīkarañjayoḥ

22.136

śamanastu yame śāntivadhayoḥ śamanaṃ matam
śayanaṃ talpamātre'pi nidrāsuratayorapi

22.137

śākhī mahīruhe vede turuṣkākhyajane'pi ca
śāstrājñārājadattorvīrājalekheṣu śāsanam

22.138

śikhī ketugrahe vahnau mayūre kukkuṭe śare
balīvardde bake vṛkṣe vratibhedasacūr̤ayoḥ

22.139

śilpī tu vācyavatkārau nāsikāyā tu śilpino
śṛṅgī nāge'pi vṛṣabhe parvate'pi mahīruhe

22.140

śobhano yogabhede nā śobhanaḥ sundare triṣu
śrīghanaḥ sugate bhikṣau śrīghanaṃ dadhi na dvayoḥ

22.141

śleṣmaghnī mallikāyāṃ syātkampillakaphaṇijjayoḥ
śvasanaḥ pavane śvāse śvasano madanadrume

22.142

sandhānaṃ syādabhiṣave klīvaṃ saṅghaṭṭane'pi ca
sandhinī tu vṛṣākrāntā'kāladugdhagavoḥ smṛtā

22.143

samāno nābhiṣavane sadṛkasadṛśe triṣu
sampannaṃ triṣu sampattisahite sādhite'pi ca

22.144

saṃvyānamuttarāsaṅge saṃvyānaṃ chādane tathā
savanaṃ yajane snāne somanirdahane matam

22.145

sādī tu sārathau vāhavāhake hastivāhake
sādhanaṃ mehane sainye nivṛttigatisiddhiṣu

22.146

karaṇe copakaraṇe mṛtasaṃskarage vadhe
dravaṇe cānuvrajyāyāmupāye dāpane dhane

22.147

sādhano yajñakarmānte yajamānapracetasoḥ
maryādāyāṃ striyā sīmā kṣetre ghāṭe sthitāvapi

22.148

sūcanā'bhinaye dṛṣṭau gandhane vyadhane'pi ca
secanaṃ sekapātre syātsekarakṣaṇayorapi

22.149

senāpatau tu senānīḥ senānīḥ śarajanmani
sevanaṃ sīvane klīvaṃ sevāyāmapi sevanam

22.150

saṃsthānamākṛtau sanniveśe mṛtyau catuṣpathe
stananaṃ jaladadhvāne dhvanimātre'pi kuñjane

22.151

sthāpanaṃ syātpuṃsavane samādhāvarpaṇe'pi ca
sparśanaḥ pavane puṃsi sparśanaṃ sparśadānayoḥ

22.152

syandanaṃ prasrave nīre syandanastiniśe rathe
sraṃsanaṃ recane pāte pṛthagbhāvātisārayoḥ

22.153

svāmī prabhau viśākhe ca halī syātkarṣakai bale
aṅgāradhānyāṃ hasanī hasanaṃ hasite matam

22.154

hastinī nāyikābhede hastinī hastiyoṣiti
hāyanoṃ vatsare na strī vrīhibhedārthiṣoḥ pumān

22.155

hiṇḍanaṃ surate kelau hrādinī vajravidyutoḥ
nacaturtham
atharvā dvijabhede syādvede'tharva napuṃsakam

22.156

adhiṣṭhānaṃ prabhāve'pi pure'nyāsannacakrayoḥ
anūcāno vinīte'pi sāṅgavedavicakṣaṇe

22.157

nayanāgre'pyanūcānaḥ pumāneva kvacinmataḥ
anvāsanaṃ tu sevāyāṃ snehavastāvupāsane

22.158

apācīnaṃ triṣu viparyaste dakṣiṇasambhave
janmabhūmyāmabhijanaḥ kule khyātau kuladhvaje

22.159

abhipanno'parāddhe'bhidrute graste vipadgate
dakṣiṇe svīkṛte'pi syādabhipanno'bhidheyavat

22.160

abhimānaḥ pumāngarne'jñāne'praṇayahiṃsayoḥ
aryamā mihire sūryyamuktāyāṃ pitṛdaivate

22.161

avadānaṃ matamiti vṛttakarmaṇi khaṇḍane
tanumadhye'valagnaḥ syātsaṃlagne tvabhidheyavat

22.162

syādākalanamākāṅkṣāparisaṅkhyāvivandhane
ācchādanaṃ pidhāne syādvasanenāpavāraṇe

22.163

ātañcanaṃ pratīvāpajavanāpyāyane matam
ātmayonirvikhrice syādātmayonirmanobhave

22.164

āveśanaṃ śilpigṛhe bhūtāveśe praveśane
āyodhanaṃ bhavedyuddhe vadhepyāyodhanaṃ matam

22.165

ārādhanaṃ tu pūjāyāṃ pākaprāpaṇayorapi
āskandanaṃ tiraskāre tathā saṃśoṣaṇe raṇe

22.166

utpatanaṃ samutpattau bhavedūrddhagatāvapi
utsādanaṃ samullekhorddharttanodvāsasārthakam

22.167

bhavedudayano vatsarāje kalaśasambhave
uddharttanamutpatanā'pāvarttanavilepane

22.168

udvāhanaṃ dvitītye syādrajvāvudvāhinī matā
aṃśuke rūpadhānaṃ syādviśeṣapraṇayepi ca

22.169

upāsanaṃ śarābhyāse śuśrūṣāhiṃsayorapi
kañcukī sauvidallepi sarpe khile'pi joṅgake

22.170

śirīṣāmrātakāśvatthagardabhāṇḍe kapītanaḥ
kaladhvaniḥ kalarave kapītapikabarhiṣu

22.171

kalāpī plakṣavṛkṣe syānmeghanādānulāsini
kātyāyano vararucau gauryāṃ kātyāyanī striyām

22.172

kāṣāyavastrāddhravṛddhavidhavāyāmapi smṛtā
raktacandanapatrāṅgadrumabhede kucandanam

22.173

kuṇḍalī varuṇe kekimṛgāhiṣu sakuṇḍale
kumbhayoniragastye syādarjunasya gurāvapi

22.174

keśarī siṃhapunnāganāgakeśaravājiṣu
krauñcādanastu pippalyāṃ civoṭakamṛṇālayoḥ

22.175

svakāminī tu nirdiṣṭā carcikācillayoṣitoḥ
khaḍgadhenuḥ striyāṃ khaḍgaputrikāgaṇḍakastriyoḥ

22.176

gadayitnustu jalprāke kāmakāmukayorapi
gavādanīndravāruṇyāṃ gavāṃ ghāsādapāśraye

22.177

ghanāghano varṣukābde śakre mattadvipe ghane
anyonyād ghaṭṭake caiva ghātuke tu ghanāghanaḥ

22.178

ghoṣayitnuḥ pike vipre citrabhānurine'nale
colakī nāgaraṅge syātkarīre kiṣkuparvaṇi

22.179

varttate kaṅkaka....budhārāṭeṣu jalāṭanaḥ
janāṭanaṃ jalabhrāntau jalaukāyāṃ jalāṭanī

22.180

jalamīnaścilicime ślakṣṇakaṅkaniśumārayoḥ
tapodhanā tu muṇḍīryāṃ tapasvini tapodhanaḥ

22.181

tapasvī tāpase cānukampye cātha tapasvinī
māsikākaṅkaṭarohiṇyostarasvī vegiśūrayoḥ

22.182

dunnāmā paṅkaśuktau dunnāma klīvamarśasi
devasenā tu gīrvāṇasenā devendrakanyayoḥ

22.183

dvijanmā brāhmaṇe'pi syād dvijanmā daśane khage
karimudgarikānāgayaṣṭyornāgāṅganā striyām

22.184

mataṃ bhavennidhuvanaṃ surate kampane'pi ca
syānnirāse nirasanaṃ vadhe niṣṭhīvane tathā

22.185

nirvāsanaṃ tu nirvāṃsahisayorgatavāsare
nirbhartsanaṃ tu nirdiṣṭaṃ khalīkāre'pyalaktake

22.186

dāne nyāsārpaṇe vairaśuddhau niryātanaṃ matam
śrutau dṛṣṭau niśamanaṃ dṛṣṭyāloce niśāmanam

22.187

tapasvinī punarmāṃsī kaṭurohiṇikā'pi ca
parijvā tu pumānindau yājñike paricārake

22.188

palāśī rākṣase vṛkṣe'pyatha puṇyajanaḥ pumān
rakṣaḥsajjanayakṣeṣu mūrkha nīṣe pṛthagjanaḥ

22.189

bhavetprajananaṃ yonau janmaprajananayorapi
praṇidhānaṃ prayatne syātsamādhau ca praveśane

22.190

pratimānaṃ pratikṛtau gajadantāntarālake
pratipannaḥ pratijñāte vijñāte'pyabhidheyavat

22.191

pratipannastu saṃskāne lipsāyāmapyupagrahe
pratyarthī vācyaliṅgaḥ syādvidveṣiprativādinoḥ

22.192

prayojanaṃ mataṃ kārye hetau ca syātprayojanam
bhavetpravacanaṃ vede prakṛṣṭavacane'pi ca

22.193

prasphoṭanaṃ tu sūrye syāttāḍane'pi prakāśane
prasādhanī kaṃkatikāsiddhyorveṣe prasādhanam

22.194

klīvaṃ prahasanaṃ bhaṅge prahāsākṣepayorapi
phalakī rājasaphare tathā phalakapāṇike

22.195

varddhamānaḥ śarāvairaṇḍayoḥ praśnāntare'cyute
dṛśyate varddhamānastu vṛddhimatyapi vācyavat

22.196

vārakī dviṣi pāthoghau parṇājīve hayāntare
vārāsanaṃ vāḥsadane śūlāpadvārapālayoḥ

22.197

parameṣṭhini bhūtātmā bhūtātmā piṅgale'pi ca
madayitnurmato meghe madayitnustu śīdhuni

22.198

mahādhanaṃ mahāmūlye cāruvastre'pi sihrake
mahāmuniragastye syāddhānyākāgastyayorapi

22.199

mahāseno viśākhe'pi mahāsenāpatāvapi
mātulānī tu bhaṅgāyāṃ kalāye mātulastriyām

22.200

māludhānaścitrasarpe mahāpadme latāntare
māludhānyatha medhāvī vācyavanmedhayānvite

First 200 of 253 passages. Read on

Linked texts (14)