Shabdakalpadruma 107.p1

107.p1

api ca
tulasyuvāca
“he nātha te dayā nāsti pāṣāṇasadṛśasya ca
chalena dharmabhaṅgena mama svāmī tvayā hataḥ
pāṣāṇahṛdayastvañca dayāhīno yataḥ prabho
tasmāt pāṣāṇasadṛśastvaṃ bhaveha hare'dhunā
śrībhagavānuvāca
ahañca śailarūpī ca gaṇḍakītīrasannidhau
adhiṣṭhānaṃ kariṣyāmi bhārate tava śāpataḥ
vajrakīṭāśca kṛmayo vajradaṃṣṭrāśca tatra vai
tacchilākuharaṃ cakraṃ kariṣyanti madīyakam
ekadvāre catuścakraṃ vanamālāvibhūṣitam
navīnanīradākāraṃ lakṣmīnārāyaṇābhidham
ekadvāre catuścakraṃ navīnanīradopamam
lakṣmīnṛnāhanaṃ jñeyaṃ rahitaṃ vanamālayā
dvāradvaye catuścakraṃ goṣpadena samanvitam
raghunāthābhidhaṃ jñeyaṃ veṣṭitaṃ vanamālayā
aticudraṃ dvicakrantu navīnanīradaprabham
dadhivāmanaṃ vijñeyaṃ gṛhiṇāñca sukhapradam
aticudraṃ dvicakrañca vanamālāvibhūṣitam
śrīdharaṃ devi vijñeyaṃ śrīpradaṃ gṛhiṇāṃ sadā
sthūlañca varttulākāraṃ rahitaṃ vanamālayā
dvicakraṃ sphuṭamatyantaṃ jñeyaṃ dāmodarābhidham
madhyamaṃ varttulākāraṃ dvicakraṃ vāṇaviccatam
raṇarāmābhidhaṃ jñeyaṃ śaratūṇasamanvitam
caturddaśacakraṃ sthūlañca navīnajaladaprabham
anantākhyañca vijñeyaṃ caturvvargaphalapradam
madhyamaṃ saptacakrañca chattratūṇasamanvitam
rājarājesvaraṃ jñeyaṃ rājasampatkaraṃ nṛṇām
cakrākāraṃ dvicakrañca satīkaṃ jaladaprabham
sagoṣpadaṃ madhyamañca vijñeyaṃ madhusūdanam
sudarśanañcaikacakraṃ guptacakraṃ gadādharam
dvicakraṃ hayavaktrābhaṃ hayagrīvaṃ prakīrttitam
atīvavistṛtāsyañca dvicakraṃ vikaṭaṃ yati
narasiṃhābhidhaṃ jñeyaṃ sadyo vairāgyadaṃ nṛṇām
dvicakraṃ vistṛtāsyañca vanamālāsamanvitam
lakṣmīnṛsiṃhaṃ vijñeyaṃ gṛhiṇāṃ sukhadaṃ sadā
dvāradeśe dvicakrañca samaukañca samaṃ sphuṭam
vāsudevañca vijñeyaṃ sarvvakāmaphalapradam
pradyumnaṃ sūkṣmacakrañca navīnanīradaprabham
suṣiraṃ chidrabahuleṃ gṛhiṇāñca sukhapradam
dve cakre caikalagne tu pṛṣṭhe yatra tu puṣkalam
saṅkarṣaṇantu vijñeyaṃ sukhadaṃ gṛhiṇāṃ sadā
aniruddhañca pītābhaṃ varttulañcātiśobhanam
sukhapradaṃ gṛhasthānāṃ pravahanti manīṣiṇaḥ
śālagrāmaśilā yatra tatra sannihito hariḥ
tatraiva lakṣmorvasati sarvvatīrthasamanvitā
yāni kāni ca pāpāni brahmahatyādikāni ca
tāni sarvvāṇi naśyanti śālagrāmaśilārcanāt
chatrākāre bhavedrājyaṃ varttule ca bhavet śriyaḥ
duḥkhañca śakaṭākāre śūlāgre maraṇaṃ dhruvam
vikṛtāsye ca dāridraṃ piṅgale hānireva ca
lagmacakre bhavedyādhirvidīrṇe maraṇaṃ dhruvam
vrataṃ dānaṃ pratiṣṭhā ca śrāddhañca devapūjanam
śālagrāmaśilāyāñcevādhiṣṭhānāt praśastakam
sa snātaḥ sarvvatīrtheṣu sarvvayajñeṣu dīkṣitaḥ
sarvvadāne ca yat puṇyaṃ prādaciṇye bhuvastathā
sarvvayajñeṣu tīrtheṣu vrateṣvanaśaneṣu ca
pāṭhe caturṇāṃ vedānāṃ tapasāṃ karaṇe sati
tat puṇyaṃ labhate nūnaṃ śālagrāmaśilārcanāt
śālagrāmaśilātoyaṃ nityaṃ bhuṅkte ca yo naraḥ
surepmitaṃ prasādya janmamṛtyujarāharam
tasya sparśañca vāñchanti tīrthāni nikhilāni ca
jīvanmukto mahāpūto'nte yāti hareḥ padam
tatraiva hariṇā sārddhamasaṃkhyaṃ prākṛtaṃ layam
paśyantyeva hi dāsyeva niyukto dāsyakarmmaṇi
yāni kāni ca pāpāni brahmahatyādikāni ca
taṃ dṛṣṭvā ca bhiyā yānti vainateyamivoragāḥ
tatpādapadmarajasā sadyaḥ pūtā “sundharā
puṃsāṃ lacaṃ tatpitṝṇāṃ nistarettasya janmani
śālagrāmaśilātoyaṃ mṛtyukāle ca yo labhet
sarvvapāpavinirmukto viṣṇulokaṃ sa gacchati
nirvāṇamuktiṃ labhate karmmabhogādvimucyate
viṣṇupādapralīnaśca bhaviṣyati na saṃśayaḥ
śālagrāmaśilāṃ dhṛtvā mithyāvākyaṃ vadettu yaḥ
sa yāti kumbhīpākañca yāvadvai brahmaṇo vayaḥ
śālagrāmaśilāṃ dhṛtvā svīkāraṃ yo na pālayet
sa prayātyasipatrañca lacamanvantarābadhi
tulasīpatravicchedaṃ śālagrāmaṃ karoti yaḥ
tasya janmāntare kānte strīvicchedo bhaviṣyati
tulasīpatravicchedaṃ śaṅkhaṃ yo hi karoti ca
bhāryyāhīno bhavet so'pi rogī ca saptajanmasu
śālagrāmañca tulasīṃ śaṅkhañcaikatra eva ca
yo racati mahājñānī sa bhavet śrīharipriyaḥ ||”