Shabdakalpadruma 130.p1

130.p1

api ca | kūrmapurāṇe himālayaṃ prati devīvākyam
“yāni śāstrāṇi dṛśyante loke'smin vividhāni ca
śrutismṛtiviruddhāni niṣṭhā teṣāṃ hi tāmasī
karālabhairavañcāpi yāmalaṃ vāmanāśritam
evaṃvidhāni cānyāni mohanārthāni tāni tu
mayā sṛṣṭāni cānyāni mohārthaṃyāṃ bhavāṇave ||”
tasmāt sadbhiḥ śrutismṛtiviruddhaṃ vartmani na kadācit padaṃ nyastavyam | iti malamāsatattvam
pṛthivyāṃ tantraśāstravataraṇaṃ yathā,—
śiva uvāca
“lambodara mahābhāga śṛṇu me paramaṃ vacaḥ
idaṃ mahāsusandarbhaṃ mama vaktrādvinirgatam
nigataṃ pārvvatīvaktrāttattvaṃ paramadurlabham
vilikhya bahuyatnena gaccha vindhyāśramaṃ suta
yatra tiṣṭhanti munayo vedavedāṅgapāragāḥ
āgamādiguṇairyuktāḥ śīghraṃ tvaṃ bhava me suta
ityuktaḥ śaṅkareṇāsau sāṣṭāṅgamuttamaḥ
caturbhirhastaiḥ saṃlikhya śivāya vinivedayet
śiva uvāca
gaccha puttra mahābāho tatprasādāya satvaram
siddhāśramaṃ vanaṃ ramyaṃ yakṣendrasya ca nandanam
praṇamya prayayau śīghraṃ tatprasādāya tadvanam ||”
ityupakramya
“sutervākyaṃ tataḥ śrutvā tatsarvvaṃ munaye dadau
evaṃ tantrāṇi sarvvāṇi vilikhya vinivedayet ||”