Shabdakalpadruma 161.p1

161.p1

asya śarabharūpadhāraṇakāraṇaṃ yathā,—
“iti teṣāṃ nigadatāṃ śrutvā vākyaṃ janārddanaḥ
uvāca śaṅkaraṃ devaṃ brahmāṇañca viśeṣataḥ
yatkṛte devatāḥ sarvāḥ prajāśca sakalā imāḥ
prāpnuvanti mahāduḥkhaṃ śīryyate sakalaṃ jagat
vārāhaṃ sakalaṃ kāyaṃ tyaktumicchāmi śaṅkara
tvaṃ vyāpayasva tat kāyaṃ yatnātmā śaṅkarāḥ
tvamāpyāyasva tejobhirbhettun kharataraṃ sahuḥ
ādhyāyantu tadā devāḥ śaṅkaro hantu potriṇam
vāsudevo'pi tān sarvvān visṛjya tridaśāṃstadā
vārāhaṃ tejasā hantuṃ svayaṃ dhyānaparo'bhavat
śanaiḥ śanairyadā teja āharatyeṣa mādhavaḥ
tadā dehastu vārāhaṃ sattvahīnaṃ vyajāyata
tejohīnaṃ yadā dehaṃ jñātaṃ sarvvairathāmaraiḥ
āsasāda mahādevo yaccavārāhamadbhutam
brahmādyāstridaśāḥ sarvve mahādevamumāpatim
anujagmustadā teja ādātuṃ smaranāśane
tataḥ sarvvairdevagaṇaiḥ svaṃ svaṃ tejo vṛṣadhvaje
ādadhe tena balavān so'tīva samajāyata
tataḥ śarabharūpī sa tatkṣaṇādgiriśo'bhavat
ūrddhādhobhāganaccāṣṭapādyuktaḥ subhairavaḥ
dvilakṣayojanotkrāyaḥ sārddhalakṣaikavistṛtaḥ ||”