Shabdakalpadruma 179.p1

179.p1

api ca
“caturṣādvatsarādūrddhaṃ yāvadaṣṭau samā vayaḥ
śiśovrataṃ prakurvvanti gurusambandhibāndhavāḥ ||”
iti vratapurāṇavacanam
“jātamātraḥ śiśustāvat yāvadaṣṭau samā vayaḥ
sa hi garbhasamo jñeyo yaktimātrapradarśakaḥ
bhakṣyābhakṣyaṃ tathā peye vācyāvācye tathānṛte
tasmin kāle na doṣaḥ syāt sa yāvannopanīyate ||”
iti manuvacanam
tasyādhyāpanakramo yathā,—
“prāṅmukhogurarāsīno varuṇābhimukhaṃ śiśum
adhyāpayecca prathamaṃ dvijāśīrbhiḥ prapūjitam ||”
iti malamāsatattve vṛhaspativacanam
śiśuputtraṃ tyaktvā pravrajyāśramaniṣedho yathā,—
“mātaraṃ pitaraṃ vṛddhaṃ bhāryyāñcaiva pativratām
śiśuñca tanayaṃ hitvā nāvadhūtāśramaṃ vrajet ||”