Shabdakalpadruma 449.8-5

449.8-5

8 | 1–8
“pīte gare vṛṣāṅgeṇa prītāste'maradānavāḥ
mamanthustarasā sindhuṃ havirdhānī tato'bhavat
tāmagnihotrīmṛṣayo jagṛhurbrahmavādinaḥ
yajñasya devayānasya medhyāya haviṣe nṛpa
tata uccaiḥśravā nāma hayo'bhūccandrapāṇḍaraḥ
tasmin baliḥ spṛhāñcakre nendra īśvaraśikṣayā
tato airāvato nāma vāraṇandro vinirgataḥ
dantaiścaturbhiḥ śvetādriṃ hairan himavato mahot
airāvatādayastvaṣṭau diggajā abhavaṃstataḥ
abhramuprabhṛtayo'ṣṭau ca kariṇyastvabhavannṛpa
kaustubhākhyamabhūdratnaṃ padmarāgaṃ mahodadheḥ
tasmin maṇau spṛhāñcakre vakṣo'laṅkaraṇe hariḥ
tato'bhavat pārijātaḥ suralokavibhūṣaṇam
pūrayatyarthino yo'thaiḥ śaśvad bhuvi yathā bhavān
tataścāpsaraso jātā niṣkakaṇṭhāḥ suvāsasaḥ
ramaṇyaḥ sargiṇāṃ valgugatilolāvalokanaiḥ
tataścāvirabhūt sākṣāt śrīramā bhagavatparā
rañjayantī diśaḥ kāntyā vidyutsaudāmanī yathā
tasyāṃ cakruḥ spṛhāṃ sarvve sasurāsuramānavāḥ
rūpaudāryyavayovarṇamahimākṣiptacetasaḥ ||”
tathā tatraiva