Shabdaratnakari 1.p49

1.p49

viṣadharacakribileśayadarvīkaradīrghapṛṣṭhadṛkśravaṇāḥ | pannagapavanabhugāśīviṣakuṇḍalināgalelihānāśca || śeṣo'nanto vāsukirahirāḍatha' śaṅkhatakṣakāśvatarāḥ | kambalakulikasvastika'karkoṭakaśaṅkhacūḍa'kauravyāḥ || vaiśāleya' mahāntakapadmamahāpadmanahuṣadhṛtarāṣṭrāḥ | kuñjarakumudairāvatakuṇḍodarapuṇḍarīkabahukuṇḍāḥ || kailāsailāpatraśvetamukhāḥ syurbhujaṃgamapravarāḥ | phaṇinaḥ kuṇḍalacakre veṣṭanamāśīstu daṃṣṭrāyām || ḍuṇḍubhaḥ puṇḍarīkaśca rājilo rājimatsahau | rathāṅgalāṅgalacchatrasvastikāṅkuśalakṣaṇāḥ || phaṇinaḥ śīghragatayaḥ sarpā darvīkarābhidhāḥ | mandā dīrghā maṇḍalino vividhairmaṇḍalairyutāḥ || māludhāno mātulāhiralagardo''mbupannagaḥ | ahī'raṇo'hirdvimukho rājasarpo bhujaṃgabhuk || sa bhujaṃgastvajo nāma yaḥ syādubhayatomukhaḥ | gonasastu 'tilitsaḥ syādvāhaso'jagaraḥ śayuḥ || balāhakastu kṛṣṇāhi'randhāhiravanīśayaḥ | darvīkarādibhirbhedairaśītiḥ sarpajātayaḥ