Shabdaratnakari 1.p54
Śabdaratnākarī 1.p54
- Language
- Sanskrit
1.p54
nāgo'tha nakraḥ kumbhīraḥ kumbhī gomukha ityapi | jale bhramanti ye śīghraṃ kīṭāste jalajālikāḥ || dīrghakośī' tu durnāmā nihākā godhikā same | syātkulīraḥ karkaṭakastasmin ṣoḍaśapādapi' || saritsravantī taṭinī taraṅgiṇī sarasvatī sindhuragātmajāpagā | nadī dhunī nirjhariṇī ca nimnagā samudrakāntā hrādinī ca vāhinī || srotasvinī dvīpavatī saiva śaivalinīti ca | mandākinī viṣṇupadī gaṅgā gīrvāṇanimnagā || jahnu kanyā tripathagā trisrotāḥ skandasūrapi | pataṃgakanyā kālindī yamunā ca yamasvasā || kaverakanyā kāverī sahyayonirmarudvṛdhā | tāmraparṇī tu tāmrātha revā mekhalakanyakā || somodbhavā narmadā ca vipāśāyāṃ vipāṭ striyām | godā godāvarī saitavāhinī bāhudārjuno' || karatoyā sadānīrā kṛṣṇā syātkṛṣṇaveṇikā | śatadrustu' śitadruḥ syātpraṇītā pāriyātrajā