Shabdaratnakari 2.p80
Śabdaratnākarī 2.p80
- Language
- Sanskrit
2.p80
trayastvātmaṃbhariḥ kukṣiṃbharirapyudaraṃbhariḥ | svakukṣipūrake tulyā 'bhaktakādbharaghasmarāḥ | syādaudarika ādhūno vihīno vijigīṣayā | sarvānīnastu sarvānnabhuk parānnaḥ parānnabhuk | pratyutpannamatiḥ sa syāt 'tatkālotpannadhīstu yaḥ | āśaṃsitā syādāśaṃsurvilakṣastu savismayaḥ | kuṇṭho mandakriyo devānāṃpriyo nāmavarjitaḥ | ekāyanagataikāgrāvekatānaikasargakau | ekāyanaikakalpaikavyavasthānanyavṛttayaḥ | yadgaviṣyo daivaparo vihastavyākulau samau | gehenardī gṛhesūraḥ piṇḍīśūro gṛheprabhuḥ | pṛktaḥ karambito miśraśchurito militaḥ samāḥ | sa tu sārvajanīnaḥ syāddhitaḥ sarvajanāya yaḥ | tathā pratijanīnaśca priyavādī priyaṃvadaḥ | sa tu viśvajanīnaḥ syāddhito viśvajanāya yaḥ | ātmanīnastvātmahitaḥ sārvaḥ sarvahitaśca 'yaḥ | yaḥ sahāñcati sadhyaṅ sa viṣvañcṅa viṣvagañcati | devānañcati devadhyaṅ sa tiryaṅ yastiro'ñcati | pratyakparāgarvāktiryakprāgudagviṣvagādayaḥ | digdeśakālavacanāḥ śabdāḥ syuḥ kvacidavyaye | anvaganvakṣamanvege'nupadaṃ klībamavyayam
Linked texts (8)
- Kalpadru Nāmamālā — Keśavabhaṭṭa, Sanskrit
- Śabdakalpadruma — Keśavabhaṭṭa, Sanskrit
- Kalpadrukośa — Keśavabhaṭṭa 1635, Sanskrit
- Vaijayantī — Yādavaprakāśa, Sanskrit
- Vaijayantīkośa (Yādavaprakāśa) — Yādavaprakāśa, Sanskrit
- Śabdaratnāakaranighaṇṭu — Vāmana Bhaṭṭa Bāṇa, Sanskrit
- Śabdaratnākara (Vāmana) — Vāmana, Sanskrit
- Śabdaratnākara (Vāmana Bhaṭṭa Bāṇa) — Vāmana Bhaṭṭa Bāṇa, Sanskrit