Shabdaratnasamanvaya 3.p14

3.p14

luṅgastarubhidi prokto vyaṅgo hīnāṅgabhekayoḥ | vaṅgaḥ syāddeśabhede'pi vaṅgaṃ1 sīsakaraṅgayoḥ || vārtāke'pi ca kārpāse pumbhūmni ca nigadyate | valguḥ syācchāgale puṃsi sundare pakṣiṇi kvacit || vargastu caṭaksamūhe syātsvapakṣe'pi nigadyate | vego jave pravāhe ca mahākālaphale'pi ca || śṛṅgo2 vaṭābhrātakayoḥ parkvyāmapi yoṣiti | śṛṅgaṃ tu śikhare cihne 3prabhutvehāmbuyantrake || viṣāṇotkarṣayoścāpi śṛṅgaḥ syātkūrcaśīrṣake | svarṇamīnaprabhede ca śṛṅgī syādauṣadhāntare || śṛṅgī śṛṅgayute nāge tathā ca śikhariṇyapi | sargastu niścayādhyāyamohotsāhātmasṛṣṭiṣu || bhavetsaṅgastu saṃsarge proktaḥ svargastriviṣṭape | svargastu mārute4 svāṅgaṃ śubhāṅge vācyaliṅgavat || hiṅgu niryāsabhede syātpādape puṃsi kathyate || || iti gadvitīyam || || atha gaṭatīyam || ayogo vidhure kūṭe viśleṣe kaṭhinodyame | abhragaḥ pakṣiṇi śare tvadvigo gajasiṃhayoḥ