Amarasara 12
Amarasāra 12
- Language
- Sanskrit
Contents
- 12.156-8 — 2 parts
12.138
mahīdhre śikharikṣmābhṛdahāryadharaparvatāḥ
12.139
adrigotragirigrāvācalaśailaśiloccayāḥ
pāṣāṇaprastaragrāvopalāśmānaḥ śilā dṛṣad
12.140
kūto'strī śikharaṃ śṛṅgaṃ prapātastvataṭo bhṛguḥ
kaṭako'strī nitambo'dreḥ snuḥ prasthaḥ sānurastriyām
12.141
dhāturmanaḥśilādyadreḥ pādāḥ pratyantaparvatāḥ
utsaḥ pralavaṇaṃ vāripravāho nirjharo jharaḥ
12.142
darī tu kandaro vā strī gahvaraṃ tu guhā smṛtā
nikuñjakuñjau vā klībe khaniḥ khānī tathākaraḥ
12.143
upatyakādrerāsannā bhūmirūrdhvamadhityakā
aṭavyaraṇyaṃ vipinaṃ gahanaṃ kānanaṃ vanam
12.144
ārāmaḥ syādupavanaṃ kṛtrimaṃ vanameva yat
pumānākrīḍa udyānamahaṅkuro'bhinavodbhidi
12.145
vīthyālirāvaliḥ paṅktiḥ śreṇī lekhāstu rājayaḥ
vṛkṣo mahīruhaḥ śākhī viṭapī pādapastaruḥ
12.146
anokahaḥ kuṭaḥ śālaḥ palāśa़ī drudrumāgamāḥ
vandhyo'phalo'vakeśī ca phalavān phalinaḥ phalī
triṣu phulle vikasitonmīlitau vikacasphuṭau
12.147
latā tu vallī vratatiḥ sā vīrudvā pratānitī
nagādyāroha ucchrāya utsedhaścocchrayaśca saḥ
12.148
nagādīnāmārohaḥ
astrī prakāṇḍaḥ skandhaḥ syāt same śākhālate tathā
śiro'graṃ śikharaṃ tvak strī valkaṃ valkalamastriyām
12.149
granthirnā parvaparuṣī stambagulmau śiphājaṭe
kāṣṭhaṃ dārvindhanaṃ tvedha idhmamedhaḥ samitstriyām
niṣkuhaḥ koṭaraṃ vā nā vallarirmañjariḥ striyau
12.150
patraṃ palāśaṃ chadanaṃ dalaṃ parṇaṃ chadaḥ pumān
pallavo'strī kisalayaṃ vistāro viṭapo'striyām
12.151
vṛkṣādīnāṃ phalaṃ sasyaṃ vṛntaṃ prasavabandhanam
syādgucchakastu stabakaḥ kuṅmalo mukulo'striyām
12.152
striyaḥ sumanasaḥ puṣpaṃ prasūnaṃ kusumaṃ sumam
makarandaḥ puṣparasaḥ parāgaḥ sumanorajaḥ
12.153
korakaḥ puṃsi kalikā mandāraḥ pārijātakaḥ
āmraścūto rasālo'pi sahakāro'tha vetase
12.154
śītavañjulavānīrāḥ palāśa parṇakiṃśukau
atimuktaḥ puṇḍrakaḥ syādvāsantī mādhavī latā
12.155
sumanā mālatī jātiḥ saptalā navamālikā
mṛddhīkā gostanī drākṣā svādvī madhuraseti ca
12.156
astrī kuśaṃ kutho darbho vaṃśe veṇuśca kīcakaḥ
śaṣpaṃ bālatṛṇaṃ ghāso yavasaṃ tṛṇamarjunam
12.156-2
aśvatthaḥ pippalo bilvaḥ śrīphalo'thāpyudumbaraḥ
ambilakā tintiḍī ciñcā karkandhūrbadarī tathā
12.156-3
a
iṅgudī tāpasatarurbhūrje carmimṛdutvacau
tāmbūlavallī tāmbūlī nāgavallyatha kesare
12.156-4
ā
bakulo vañjulo'śoke samau karakadāḍimau
nīpaḥ kadambaḥ priyako bandhūko bandhujīvakaḥ
12.156-5
i
atha śoṇe kurabakastathā pīte kuraṇṭakaḥ
nālikero nārikelastāpicchastu tamālakaḥ
12.156-6
ī
rasālekṣū tumbyalābū rambhā tu kadalī striyām
khadiro raktasāraśca campako hemapuṣpakaḥ
12.156-7
u
kundaṃ śirīṣaṃ dhattūraḥ ketakī mallikā japā
priyaṅguḥ pūga eraṇḍaḥ śamī cāmalakī tathā
12.156-8
ū
palāṇḍurlaśuno mustā dūrvā śyāmāka eva ca
jambūḥ strī puṃsi jambīraḥ karkaṭī śālmalirdvayoḥ
12.156-8.p1
ṛ
12.156-8.p2
iti vanauṣadhivargaḥ
Linked texts (9)
- Nāmaliṅgānuśāsana (Amarakośa) — Amarasiṃha, Sanskrit
- Amarakośasaṃgraha — Sanskrit
- Agnipurāṇa — Vyāsa, Sanskrit
- Amarakośa Nāmaliṅgānuśāsana — Amarasiṃha, Sanskrit
- Amarakośa or Nāmaliṅgānuśāsana — Amarasiṃha, Sanskrit
- Sudhā (Bhānuji) — Bhānuji, Sanskrit
- Liṅgādisaṅgraha / Trikaṇḍa — Sanskrit
- Śabdacandrikā — Cakrapāṇidatta, Sanskrit
- Vikramāṅkadevacarita — Bilhaṇa, Sanskrit