Pramāṇa · Search · About · API

Amarasara 2

Amarasāra 2

Language
Sanskrit

Contents

2.2

pītāmbaro'cyutaḥ śāṃrgī govindo garuḍadhvajaḥ
upendra indrāvarajaścakrapāṇiścaturbhujaḥ

2.9

a
padmanābho madhuripurvāsudevastrivikramaḥ
devakīnandanaḥ śauriḥ śrīpatiḥ puruṣottamaḥ

2.9-2

ā
vanamālī balidhvaṃsī kaṃsārātiradhokṣajaḥ
viśvaṃbharaḥ kaiṭabhajid vibhuḥ śrīvatsalāñchanaḥ

2.9-3

i
jalaśāyī viśvarūpo mukundo muramardanaḥ
vasudevosya janakaḥ sa evānakadundubhiḥ

2.9-4

ī
revatīramaṇo rāmo baladevo halāyudhaḥ
nīlāmbaraḥ sīrapāṇirbalaśca musalī halī

2.10

u
madano manmatho māraḥ pradyumno mīnaketanaḥ
kaṃdarpo darpako'naṅgaḥ kāmaḥ pañcaśaraḥ smaraḥ

2.11

śaṃbarārirmanasijaḥ kusumeśurananyajaḥ
puṣpadhanvā ratipatirmakaradhvaja ātmabhūḥ

2.12

lakṣmīḥ padmālayā padmā kamalā śrīrharipriyā
indirā lokamātā mā kṣīrodatanayā ramā

2.12-2

śaṃkho lakṣmīpateḥ pāñcajanyaścakraṃ sudarśanaḥ
kaumodakī gadā khaḍgo nandakaḥ kaustubho maṇiḥ
cāpaḥ śārṅgaṃ murārestu śrīvatso lāñchanaṃ smṛtam

2.13

a
śaṃbhurīśaḥ paśupatiḥ śivaḥ śūlī maheśvaraḥ
īśvaraḥ śarva īśānaḥ śaṃkaraścandraśekharaḥ

2.14

bhūteśaḥ khaṇḍaparaśurgirīśo giriśo mṛḍaḥ
mṛtyuṃjayaḥ kṛttivāsāḥ pinākī pramathādhipaḥ

2.15

vṛṣadhvajo'ṣṭamūrtiśca dhūrjaṭiśca trilocanaḥ
haraḥ smaraharo bhargastryambakastripurāntakaḥ

2.16

gaṅgādharaśca śrīkaṇṭhaḥ sthāṇū rudra umāpatiḥ
umā kātyāyanī gaurī kālī haimavatīśvarī
aparṇā pārvatī durgā girijā caṇḍikāmbikā

2.17

athaikadantaherambalambodaragajānanāḥ
vināyako vighnarājadvaimāturagaṇādhipāḥ

2.18

ṣāṇmāturaḥ kārttikeyaḥ śarajanmā ṣaḍānanaḥ
pārvatīnandanaḥ skandaḥ senānīragnibhūrguhaḥ

2.19

indro marutvānmaghavā biḍaujāḥ pākaśāsanaḥ
śakraḥ puraṃdaro vajrī vāsavo vṛtrahā vṛṣā
ākhaṇḍalaḥ sahasrākṣasturāṣāṇmeghavāhanaḥ

2.19-2

puruhūtaḥ surapatirbalārātiḥ śacīpatiḥ
pulomajā śacīndrāṇī nagarī tvamarāvatī

2.19-3

a
haya uccaiḥśravāḥ sūto mātalirnandanaṃ vanam
airāvato'bhramātaṅgo jayantaḥ pākaśāsaniḥ

2.19-4

ā
vyomayānaṃ vimāno'strī svarvaidyāvaśvinīsutau
urvaśī menakā rambhetyādyā apsaraso divi

2.20

kuliśaṃ vajramastrī syāt paviḥ puṃsyaśanirdvayoḥ
mandākinī viyadgaṅgā pīyūṣamamṛtaṃ sudhā

2.21

agnirvaiśvānaro vahniḥ kṛśānuḥ pāvako'nalaḥ
rohitāśvo vāyusakho hutabhugdahanaḥ śikhī

2.22

tanūnapājjātavedā jvalano havyavāhanaḥ
vahnerdvayorjvālakīlāvarcirhetiḥ śikhā striyām
triṣu sphuliṅgo'gnikaṇaḥ saṃtāpaḥ saṃjvaraḥ samau

2.23

ulkā syānnirgatajvālā bhūtirbhasitabhasmanī
kṣāro rakṣā ca dāvastu davo vanahutāśanaḥ
rākṣasaḥ kauṇapaḥ kravyātkarburo yāturakṣasī

2.23-2

kālo'ntakaḥ kṛtāntaśca dharmarājaḥ paremarāṭ
yamaḥ pitṛpatiścaurvo vāḍavo vaḍavānalaḥ

2.24

a
pracetā varuṇaḥ pāśī yādasāṃpatirappatiḥ
anilaḥ śvasano vāyurmātariśvā sadāgatiḥ

2.25

samīramārutamarudgandhavāhasamīraṇāḥ
nabhasvadvātapavanapavamānaprabhañjanāḥ

2.26

prakampano mahāvāto jhañjhāvātaḥ savṛṣṭikaḥ
kuberaḥ kinnareśaḥ syādyakṣarāḍ guhyakeśvaraḥ

2.27

manuṣyadharmā dhanado rājarājo dhanādhipaḥ
syātkinnaraḥ kiṃpuruṣasturaṃgavadano mayuḥ

2.28

nidhirnā śevadhī raṃhastarasī tu rayaḥ syadaḥ
javo'tha śīghraṃ tvaritaṃ laghu kṣipramaraṃ drutam

2.29

satvaraṃ capalaṃ tūrṇamavilambitamāśu ca
satate'nāratāśrāntasaṃtatāviratāniśam

2.30

nityānavaratājasramapyathātiśayo bharaḥ
ativelabhṛśātyarthātimātrodgāḍhanirbharam

2.31

tīvraikāntanitāntāni gāḍhabāḍhadṛḍhāni ca
klībe śīghrādyasattve syāttriṣveṣāṃ sattvagāmi yat

2.31.p1

iti svargavargaḥ

Linked texts (9)