Amarasara 3
Amarasāra 3
- Language
- Sanskrit
Contents
- 3.51 — 1 part
3.32
dyodivau dve striyāmabhraṃ vyoma puṣkaramambaram
nabho'ntarikṣaṃ gaganamanantaṃ suravartma kham
3.33
viyadviṣṇupadaṃ vā tu puṃsyākāśavihāyasī
tārāpatho'pi nāko'pi dyurapi syāttadavyayam
3.34
diśastu kakubhaḥ kāṣṭhā āśāśca haritaśca tāḥ
prācyavācīpratīcyastāḥ pūrvadakṣiṇapaścimāḥ
3.35
uttarā digudīcī syāddiśyaṃ tu triṣu digbhave
klībāvyayaṃ tvapadiśaṃ diśormadhye vidik striyām
abhyantaraṃ tvantarālaṃ cakravālaṃ tu maṇḍalam
3.36
abhraṃ megho vārivāho jīmūtopi balāhakaḥ
dhārādharo jaladharo jalamugvārido ghanaḥ
3.37
stanitaṃ garjitaṃ meghanirghoṣe rasitādi ca
taḍitsaudāmanī vidyuccañcalā ca śatahradā
3.38
indrāyudhaṃ śakradhanustadeva ṛju rohitam
vṛṣṭirvarṣaṃ tadvighāte'vagrāhāvagrahau samau
3.39
dhārāsaṃpāta āsāraḥ śīkaro'mbukaṇāḥ smṛtāḥ
varṣopalastu karakā meghacchanne'hni durdinam
3.40
apidhānatirodhānapidhānācchādanāni ca
himāṃśuścandramāścandra induḥ kumudinīpriyaḥ
3.41
vidhuḥ sudhāṃśuḥ śubhrāṃśuroṣadhīśo niśāpatiḥ
abjo jaivātṛkaḥ somo glaurmṛgāṅkaḥ kalānidhiḥ
3.41-2
dvijarājaḥ śaśadharo nakṣatreśaḥ kṣapākaraḥ
kalā tu ṣoḍaśo bhāgo bimbo'strī maṇḍalaṃ triṣu
3.42
a
bhittaṃ śakalakhaṇḍe vā puṃsyardho'rdhe sameṃśake
candrikā kaumudī jyotsnā prasādastu prasannatā
3.43
kalaṅkāṅkau lāñchanaṃ ca cihnaṃkṣma ca lakṣaṇam
suṣamā paramā śobhā'bhikhyā kāntirdyutiśchaviḥ
3.44
avaśyāyastuṣāraśca prāleyaṃ tuhinaṃ himam
tuṣāraḥ śītalaḥ śīto himo'pi śiśiro jaḍaḥ
3.45
nakṣatramṛkṣaṃ bhaṃ tārā tārakā'pyuḍu vā striyām
dhruva auttānapādiḥ syādagastyaḥ kumbhasaṃbhavaḥ
3.46
budhaḥ śuklo mahī bhaumo guruḥ sauririme grahāḥ
aṅgārakaḥ kujo bhaumaḥ samau sauriśanaiścarau
bṛhaspatiḥ surācāryo gīṣpatirdhiṣaṇo guruḥ
3.46-2
śukro daityaguruḥ kāvya uśanā bhārgavaḥ kaviḥ
sūrasūryyarkramārtaṇḍavivarttanadivākarāḥ
3.47
a
bhāsvādvivasvatsaptāśvaharidaśvoṣṇaraśmayaḥ
bhāskarastaraṇaḥ pūṣā tapanaḥ savitā raviḥ
3.47-2
bhānurmitro dinamaṇiḥ sahastrāṃśurvibhāvasuḥ
inaścaṇḍāṃśurādityaścāṃśumālyābjinīpatiḥ
3.48
a
sūrasūto'ruṇo'nūruḥ kāśyapirgaruḍāgrajaḥ
pariveṣastu paridhirupasūryakamaṇḍale
3.49
kiraṇostramayūkhāṃśugabhastighṛṇiraśmayaḥ
bhānuḥ karo marīciḥ strīpuṃsayordīdhitiḥ striyām
3.50
syuḥ prabhā rugrucistviṭ bhā bhāśchavidyutidīptayaḥ
rociḥ śocirubhe klībe prakāśo dyota ātapaḥ
3.51
koṣṇaṃ kavoṣṇaṃ mandoṣṇaṃ kaduṣṇaṃ triṣu tadvati
tigmaṃ tīkṣṇaṃ kharaṃ tadvanmṛgatṛṣṇā marīcikā
3.51.p1
iti vyomadigvargaḥ
Linked texts (10)
- Nāmaliṅgānuśāsana (Amarakośa) — Amarasiṃha, Sanskrit
- Amarakośasaṃgraha — Sanskrit
- Agnipurāṇa — Vyāsa, Sanskrit
- Sudhā (Bhānuji) — Bhānuji, Sanskrit
- Vandyaghaṭīyā — Sarvānanda, Sanskrit
- Amarakośa Nāmaliṅgānuśāsana — Amarasiṃha, Sanskrit
- Mukuṭa — Sanskrit
- Amarakośa or Nāmaliṅgānuśāsana — Amarasiṃha, Sanskrit
- Liṅgādisaṅgraha / Trikaṇḍa — Sanskrit
- Vikramāṅkadevacarita — Bilhaṇa, Sanskrit