Amarasara 5

Amarasāra 5

buddhirmanīṣopalabdhirdhīḥ prajñā cetanā matiḥ
dhīrdhāraṇāvatī medhā saṃkalpaḥ karma mānasam

cittābhogo manaskāraścarcā saṃkhyā vicāraṇā
adhyāhārastarka ūho vicikitsā tu saṃśayaḥ

saṃdehadvāparau cātha samau nirṇayaniścayau
samau siddhāntarāddhāntau bhrāntirmithyāmatirbhramaḥ

saṃvidāgūḥ pratijñānaṃ niyamāśravasaṃśravāḥ
aṅgīkārābhyupagamapratiśravasamādhayaḥ

muktiḥ kaivalyanirvāṇaśreyoniḥśreyasāmṛtam
mokṣo'pavargo'thājñānamavidyāhaṃmatiḥ striyām

rūpaṃ śabdo gandharasasparśāśca viṣayā amī
gocarā indriyārthāśca hṛṣīkaṃ viṣayīndriyam

(a)
tuvarastu kaṣāyo'strī madhuro lavaṇaḥ kaṭuḥ
tikto'mlaśca rasāḥ puṃsi tadvatsu ṣaḍamī triṣu

athāmodaḥ parimalo surabhirghāṇatarpaṇaḥ
iṣṭagandhaḥ sugandhiḥ syād durgandhaṃ pūtigandhi ca

śuklaśubhraśuci śvetaviśadaśyetapāṇḍarāḥ
avadātaḥ sito gauro'valakṣo dhavalo'rjunaḥ

hariṇaḥ pāṇḍuraḥ pāṇḍurdhūmraḥ syātkṛṣṇalohite
kṛṣṇe nīlāsitaśyāmakālaśyāmalamecakāḥ
pīto gauro haridrābhaḥ pālāśo harito harit

lohito rohito raktaḥ śvetāraktastu pāṭalaḥ
avyakttarāgastvaruṇa īṣatpāṇḍustu dhūsaraḥ

kaḍāraḥ kapilaḥ piṅgapiśaṅgau kadrupiṅgalau
citraṃ kirmīrakalmāṣaśabalaitāśca karbure

iti dhīvargaḥ

Linked texts (9)