Pramāṇa · Search · About · API

Vandyaghatiya 3: atha digvargaḥ

Vandyaghaṭīyā 3

Language
Sanskrit

atha digvargaḥ

3.1

diśastu kakubhaḥ kāṣṭhā āśāśca haritaśca tāḥ
prācyapācīpratīcyastāḥ pūrvadakṣiṇapaścimāḥ

3.2

uttarā digudīcī syāt
diśyaṃ tu triṣu digbhave
indro vahniḥ pitṛpatirnairṛto varuṇo marut

3.3

kubera īśaḥ patayaḥ pūrvāṃdīnāṃ diśāṃ kramāt
airāvataḥ puṇḍarīko vāmanaḥ kumudo'ñjanaḥ

3.4

puṣpadantaḥ sārvabhaumaḥ supratīkaśca diggajāḥ
klībāvyayaṃ tvapadiśaṃ diśormadhye vidik striyām

3.5

abhyantaraṃ tvantarālaṃ
cakravālaṃ tu maṇḍalam
abhraṃ megho vārivāhaḥ stanayitnurvalāhakaḥ

3.6

dhārādharo jaladharastaḍitvān vārido'mbubhṛt
ghanajīmūtamudirajalamugdhūmayonayaḥ

3.7

kādambinī meghamālā
triṣu meghabhave'bhriyam
stanitaṃ garjitaṃ meghanirghoṣo rasitādi ca

3.8

śampā śatahṛdāhrādinyairāvatyaḥ kṣaṇaprabhā
taḍit saudāmanī vidyuccañcalācapalā api

3.9

sphūrjathurvajraniṣpeṣaḥ
meghajyotiriraṃmadaḥ
indrāyudhaṃ śakradhanuḥ
tadeva ṛju rohitam

3.10

vṛṣṭirvarṣam
tadvighāte'vagrāhāvagrahau samau
dhārāsaṃpāta āsāraḥ
śikaro'mbukaṇāḥ srutāḥ

3.11

varṣopalastu karakā
meghacchanne'hni durdinam
antarddhā vyavadhā puṃsi tvantardhirapavāraṇam

3.12

apidhānatirodhānapidhānacchādanāni ca
himāṃśuścandramāścandra induḥ kumudabāndhavaḥ

3.13

vidhuḥ sudhāṃśuḥ śubhrāṃśuroṣadhīśo niśāpatiḥ
abjo jaivātṛkaḥ somo glaurmṛgāṅkaḥ kalānidhiḥ

3.14

dvijarājaḥ śaśadharo nakṣatreśaḥ kṣapākaraḥ
kalā tu ṣoḍaśo bhāgaḥ
bimbo'strī maṇḍalaṃ triṣu

3.15

bhittaṃ śakalakhaṇḍe vā puṃsyardhaḥ
ardhaṃ sameṃ'śake
candrikā kaumudī jyotsnā
prasādastu prasannatā

3.16

kalaṅkāṅkau lāñchanaṃ ca cihnaṃ lakṣma ca lakṣaṇam
suṣamā paramā śobhā
śobhā kāntirdyutiśchaviḥ

3.17

avaśyāyastu nīhārastuṣārastuhinaṃ himam
prāleyaṃ mahikā ca
atha himānī himasaṃhatiḥ

3.18

tadvadarthāḥ suṣīmaḥ śiśiro jaḍaḥ
tuṣāraḥ śītalaḥ śīto himaḥ saptānyaliṅgakāḥ

3.19

dhruva auttānapādiḥ syād
agastyaḥ kumbhasambhavaḥ
maitrāvaruṇiḥ
asyaiva lopāmudrā sadharmiṇī

3.20

nakṣatramṛkṣaṃ bhaṃ tārā tārakāpyuḍu vā striyām
dākṣāyaṇyaśvinītyāditārāḥ
aśvayugaśvinī

3.21

rādhe viśākhe
puṣye tu sidhyatiṣyau
śraviṣṭhā
samā dhaniṣṭhā
syuḥ proṣṭhapadā bhādrapadāḥ striyaḥ

3.22

mṛgaśīrṣaṃ mṛgaśirastasminnevāgrahāyaṇī
ilvalāstacchirodeśe tārakā nivasanti yāḥ

3.23

bṛhaspatiḥ surācāryo gīṣpatirdhiṣaṇo guruḥ
jīva āṅgiraso vācaspatiścitraśikhaṇḍijaḥ

3.24

śukro daityaguruḥ kāvya uśanā bhārgavaḥ kaviḥ
aṅgārakaḥ kujo bhaumo lohitāṅgo mahīsutaḥ

3.25

rauhiṇeyo budhaḥ saumyaḥ
mandau sauriśanaiścarau
tamastu rāhuḥ svarbhānuḥ saiṃhikeyo vidhuntudaḥ

3.26

saptarṣayo marīcyatriśukhāścitraśikhaṇḍinaḥ
rāśīnāmudayo lagnam
te tu meṣavṛṣādayaḥ

3.27

sūraḥsūryoryamādityadvādaśātmadivākarāḥ
bhāskarāhnaskarabradhnaprabhākaravibhākarāḥ

3.28

bhāsvadvivasvatsaptāśvaharidaśvoṣṇaraśmayaḥ
vikartanārkamārtaṇḍamihirāruṇapūṣaṇaḥ

3.29

dyumaṇistaraṇirmitraścitrabhānurvirocanaḥ
vibhāvasurgrahapatistviṣāṃpatiraharpatiḥ

3.30

bhānurhasaḥ sahasrāṃśuḥ savitā tapano raviḥ
māṭharaḥ piṅgalo daṇḍaścaṇḍāṃśoḥ pāripārśvikāḥ

3.31

sūrasūto'ruṇo'nūruḥ kāśyapirgaruḍāgrajaḥ
pariveṣastu paridhirupasūryakamaṇḍale

3.32

kiraṇosramayūkhāṃśugabhastighṛṇipṛṣṇayaḥ
bhānuḥ karo marīciḥ strīpuṃsayordīdhitiḥ striyām

3.33

syuḥ prabhārugyucitviḍbhābhāśchavidyutidīptayaḥ
rociḥ śocirubhe klīve
prakāśo dyota ātapaḥ

3.34

koṣṇaṃ kavoṣṇaṃ mandoṣṇaṃ kaduṣṇaṃ triṣu tadvati
tigmaṃ tīkṣṇaṃ kharaṃ tadvat
mṛgatṛṣṇā marīcikā

Linked texts (10)