Ratnapariksha of Buddhabhatta 3.13
Ratnaparīkṣā of Buddhabhaṭṭa 3.13
- Language
- Sanskrit
3.13
tasyāstaṭeṣūjjvalacārurāgāḥ
bhavanti toyeṣu tu padmarāgāḥ
mahāguṇā ye sphaṭikaprasūtāḥ
saugandhikotthāḥ kuruvindajāśca
bandhūkaguñjāśakalaindraśobhāḥ
japāśaśāsṛksamavarṇaśobhāḥ
bhrājiṣṇavo dāḍimabījavarṇāstathā pare kiṃśukapuṣpabhāsaḥ
sindūraraktotpalakuṅkumābhā
lākṣārasasyāpi samānavarṇāḥ
sa(nde)[nne] pi rāge prabhayā svayaiva
bhavanti lakṣyasphuṭamadhyabhāgāḥ
bhānośca bhāsāmanuvedhayogamāsādya raśmiprakareṇa dūre
pārśvāni sarvāṇyanurañjayanti
guṇopapannāḥ sphaṭikaprasūtāḥ
kusumbhanīlavyatimiśrarāgāḥ
pratyagraraktāmbaratulyabhāsaḥ
tathā pare citrakakaṇṭakārīpuṣpatviṣo hiṅgulīkā(vi)[tvi] ṣo'nye
cakorapuṃskokilasārasānāṃ
netrāvabhāsa dvi[dyu] ta(yā)[ya] śca kecit
anye punarnāpi vipuṣpitāni
tulyatviṣaḥ kokanadodarāṇām
prabhāvakāṭhinyagurutvayogaiḥ
prāyassamāṃnāṃ sphaṭikodbhavānām
ānīlaraktotpalacārubhāsāṃ
saugandhikotthā maṇayo bhavanti
Linked texts (2)
- Garuḍapurāṇa — Vyāsa, Sanskrit
- Maṇimālā — Saurīndramohana Ṭhakkura, Sanskrit