Pramāṇa · Search · About · API

Ratnapariksha of Buddhabhatta 6.1

Ratnaparīkṣā of Buddhabhaṭṭa 6.1

Language
Sanskrit

6.1

suvarṇaṃ manunā proktaṃ pūrvaṣoḍaśamāṣakaḥ
tasya saptatibhāgasya saṃjñārūpakamiṣyate
trayaḥ kulutthā guñjā tu pañcaguñjāstu māṣakāḥ
guñjādvātriṃśamityāhurdharaṇaṃ ratnakovidāḥ
iti vaiḍūryaparīkṣā samāptā
atha karketanaparīkṣā
vāyurvasāṃ daityapatergṛhītvā
cikṣepa samyagyavane prahṛṣṭam
tatra prasūtā maṇayaḥ prasannāḥ
karketanāḥ pūjyatamā bhavanti
varṇena tadrudhirasāndramadhuprakāśamātāmrapītakanakajvalitaṃ vibhāti
pratyagrasūryakiraṇajvalanaprakāśaṃ
sandhyāruṇāmalamanojñaviśuddhavarṇam
kulasutadhanadhānyavṛddhisaukhyaṃ
viṣagataśokamapākaroti cāśu
kanakaśatasapīṣṭamasya mūlyaṃ
kaluṣavinīlavivarjitasya tasya
iti karketanaparīkṣā
atha pulakaparokṣā
puṇyeṣu parvatavaneṣu ca nimnagāsu
sthānāntareṣu ca tathottareṣu ga(tā)[tvā]
saṃsthāpitā naravarā hi gajaiḥ prakāśaṃ
sampūjya dānavapateḥ prathitapradeśe

Linked texts (1)