Pramāṇa · Search · About · API

Ratnapariksha of Buddhabhatta 6.4

Ratnaparīkṣā of Buddhabhaṭṭa 6.4

Language
Sanskrit

6.4

jñānino'pi bhavatyeva doṣairbuddhi(bhayaṃ)[bhramaḥ] kvacit
gurūpadiṣṭavidyāto naṣṭavidyo'pi pūruṣaḥ

6.4.p1

dehadarpaṇadoṣāṃstu yogenaiva vināśayeta
samyagjñāto raso yadvadgulāderganubhūyate
pittajvarayutaistasmāddoṣāneva vināśayet
gurūpadiṣṭavidyasya viraktasya narasya tu
doṣakṣayakarastasmā(dīṣā)[yogā] danyo na vidyate
avidyopāttakartṛtvātkā(myan) [māt] karmāṇi kurvate
tataḥ karmavipākena jātyāyurbhogasaṃbhavaḥ
pañca kleśāstvavidyā ca rāgadveṣau tadudbhavau
asmitābhiniveśau ca (ya)[ta] trāvidyaiva kāraṇam
prakāśajalaśuddhākhyamutpannasphaṭikaṃ tataḥ
(dṛtkā)[dhṛtvā] ca śaṅkhaṃ (pa)[dha]valaṃ kiñcidvarṇānvitaṃ śubham
na tulyasāraṃ nṝṇāṃ ca tathaivāśubhasādhanam
samyakkṛtaṃ śilpavidā kiñcinmūlyaṃ bhavettu tat
iti sphaṭikaparīkṣā
atha vidrumaparīkṣā
mīnapakṣojjvalo nānāvidrumatsāgare kila
umāsamīpe patito jalamadhye pratiṣṭhitaḥ
ādāya māṃsaṃ yama ugrakarmā
tasyāmaśarervisasarja tasmin
tatra pradhānaṃ śaśalohitābhaṃ
guñjājapāpuṣpanibhaṃ prasūtam
svalpīyakaṃ sukhavadāgamaromataṃ ca
sthānāni teṣvapi samaṃ sulabhaṃ surāgam
anyatra jātaṃ na tu tatpradhānaṃ
mūlyaṃ bhavecchilpaviśeṣitānām
prasannaṃ komalaṃ snigdhaṃ surāgaṃ vidrumaṃ hi tat
dhanadhānyakaraṃ (ā)[nā] gaviṣādibhayanāśanam
tatra purā iha sūnunā samāsoktiḥ(?)
maṇiśāstrāṇāṃ (marutā)[mahatāṃ] buddhabhaṭenākṣayeṇeyam
iti vajramauktikapadmarāgamagkatakendranīlavaidūryakakarketanapulakarudhirākṣasphaṭikavidrumāṇāṃ
bījāṅkuraguṇadoṣakṛtrimamūlyaparīkṣā, dhārayituḥ doṣaguṇānāṃ ca, mahanniyogena vistarato'sau
buddhabhaṭena nirdiṣṭā (?)
iti buddhabhaṭīyaṃ nāma ratnaśāstraṃ
samāptam

Linked texts (1)