Pramāṇa · Search · About · API

Buddhabhattiya 1

Buddhabhaṭṭīya 1

Language
Sanskrit

1.19

teṣāṃ sampatatāṃ vegādvimalena vihāyasā
yadyatpapāta ratnānāṃ bījaṃ kvacana kiñcana
payonidhau sarittīre parvate kānane'pi vā
tattadā(kā)[ka]ratāṃ yātaṃ sthānamāśreyagauravāt
teṣu rakṣoviṣavyālavyādhighnānyaghahāni ca
prā(mu)[du]rbhavanti ratnāni tathaiva dviguṇāni ca
kulaghneṣūpapadyante yāni copagate'hani
doṣaistānyupa(pī)[cī] yante hīyante guṇasampadā
parīkṣāpariśuddhānāṃ ratnānāṃ pṛthivībhṛtā (m)
dhāraṇaṃ sambhṛ(to)[ti] rvāpi karttavyaṃ śubhamicchatā
vettāro ratnamūlyasya deśakālāntarānugāḥ
na tu śāstravaśādgrāhyā vidvadbhiste tu vetsitāḥ
śāstrajñaḥ kuśalo vāgmī ratnānāṃ saṃparīkṣakaḥ
sa eva mūlyamātrāyā vetteti parīkīrtitaḥ
atha vajraparīkṣā
mahāprabhāvaṃ vibudhairyasmādvajramudāhṛtam
vajrapūrvā parīkṣeṣyamato'smābhirnigadyate
tasyāsthileśo nipapāta yeṣu
bhuvaḥ pradeśeṣu kathañcideva
vajrāṇi vajrāyudhanirjigīṣoḥ
bhavanti nānādyutimanti teṣu
haimamātaṅgasaurāṣṭrapauṇḍrakāliṅgakausalāḥ
(peṇṇā)[veṇā] taṭāssasorpārā vajrasyāṣṭāvihākarāḥ
śyāmāḥ pauṇḍrabhavā mātaṅgaviṣaye nātyantapītaprabhāḥ
sopārāssitasāmbumeghasadṛśā raktāśca saurāṣṭrikāḥ
ātāmrā himaśailajāśśaśi nibhā[:] (peṇṇā) [veṇā] taṭotthāstathā
kāliṅgāḥ kanakāvadātarucayaśśairīṣikāḥ kausalāḥ

1.20

susvacchaṃ laghu varṇataśca guṇavatpārśveṣu samyaksamaṃ
rekhābindukalaṅkakākapadkatrāsādibhirvarjitam
loke'smin paramāṇumātramapi yadratnaṃ kvacijjāyate
tasmindaivasamāśrayo hyapi tathā tīkṣṇāgradhāraṃ yadi

1.21

vajreṣu varṇayuktyā devānāṃ saṃparigrahaḥ proktaḥ
varṇānāṃ ca vibhāgaḥ kāryo varṇāśrayādeva

1.22

asitasitaraktapiṅgaraśyāmātāmrāḥ svabhāvato rucirāḥ
harivaruṇaśakrahutavahapitṛpatimarutāṃ svakā varṇāḥ

1.23

viprasya śaṅkhakumudasphaṭikāvadātā
syātkṣatriyasya śaśababhruvilocanābhā
vaiśyasya[cāru]kadalīdalasanniborderkāśā
śūdrasya dhautakaravālasamā (na) [ca] dīptiḥ

1.24

dvau vajravarṇau pṛthivīpatīnāṃ
sadbhiḥ pradiṣṭau yudhi sāyu[dhu]janyau (?)
(yasyāṃ)[yaḥ syāt] japāvidrumabhaṅgaśoṇo
yo vā haridrārasasanbordernikāśaḥ

1.25

īśatvātsarvavarṇānāṃ guṇavatsārvavarṇikam
vāmato dhārayedrājā nānye varṇāḥ kathañcana

1.32

adharottaravṛttyā hi yādṛksyādvarṇasaṅkaraḥ
tādṛ(ṣṭakā)[gucchā] dharo vajro varṇānāṃ saṅkaro mataḥ
na ca varṇavibhāgamātrayuktyā
viduṣā vajraparigraho vidheyaḥ
[saguṇaṃ] guṇasampadaṃ prasūte
viparītaṃ vyasanodayasya hetuḥ
ekamapi yasya śṛṅgaṃ
vighaṭitamavalokyate viśīrṇaṃ vā
guṇavadapi tanna dhāryaṃ
vajraṃ śreyo'rthibhirbhuvane
sphuṭitāśraviśīrṇaśṛṅgadeśaṃ
malavarṇaiḥ pluṣitairupetamadhyam
na hi vajrabhṛto'pi vajramāśu
śriyamanyāśrayalālasāṃ na kuryāt
yasyaikadeśe kṣatabhāvabhāso
yadvā bhavellohitabinducitram
kiṃ tanna kuryāddhriyamāṇamāśu
svacchanda mṛtyorapi jīvitāntam
koṭadyaḥ pārśvaṇi dhārāśca ṣaḍaṣṭau dvādaśaiva tu
uttuṅgasamatīkṣṇāni vajrasya karayod ṣaṭ (?)
ṣaṭkoṭiśuddhamamalasphuṭatīkṣṇadhāraṃ
varṇānvitaṃ laghu sugandhamapetadoṣam
indrāyudhāṃśuvisṛtisphuritāntarikṣamevaṃvidhaṃ bhuvi bhavetsulabhaṃ na vajram

1.33

tīkṣṇāgraṃ vimalampetadoṣa [jālaṃ]
dhatte yaḥ prayatatanussadeva vajram
vṛddhistaṃ pratidinameti yāvadāyuḥ
śrīsampatsutadhanadhānyagopaśūnām

1.34

vyālavahniviṣavyādhitaskarāmbubhayāni ca
dūrātasya nivartante karmāṇ‍yātharvaṇāni ca

1.35

yadi vajramapetasarvadoṣaṃ
bibhṛyādviṃśatitaṇḍulaṃ gu(rutthe)[rutve]
maṇiśāstravido vidanti tasya
(vi)[dvi] guṇaṃ rū(pa)[pya] kamagramūlyaṃ....(?)

1.36

tribhāgahīnārdhatadardhaṣaṣṭhatrayodaśatriṃśadathārdhabhāgaḥ
aśītibhāgo'tha tathā śatāṃśa.... ....pradiṣṭaṃ................(?)

1.37

dvābhyāṃ tamardhātimupāgatasya
caikāvasānasya viniścayo yaḥ
..........................(?)

1.38

nacāpi taṇḍulaireva vajrāṇāṃ dhāraṇakramaḥ
aṣṭābhi(ssuṣapaiḥ)[ssarṣapai]rgauraistaṇḍulaḥ parikalpyate

Linked texts (2)