Pramāṇa · Search · About · API

Buddhabhattiya 4

Buddhabhaṭṭīya 4

Language
Sanskrit

Contents

4.1

iti padmarāgaparīkṣā samāptā
atha maratakaparīkṣā
dānavādhipatervittamādāya bhujagādhipaḥ
dvidhā kurvanniva vyoma tvaritaṃ vāsukairyayau

4.3

sa tadāsyaśiroratnaprabhādīpte nabho'mbudhau
rajata: sumahānekaḥ ka[kha]ṇḍaseturivāvabhau || (?) 2
tataḥ (pakṣapitā tena) [pakṣavitānena] saṃharanniva rodasī
garutmān gagane tasya taddhartumupacakrame

4.4

sahasaiva mumoca tatphaṇīndraḥ
svarasābhyaktaturuṣkapādapāyām
nalinīvanagandhavāsitāyāṃ
dharaṇīndrasya girerupatyakāyām

4.5

tasminpapāta samanantarakārakālametadvarālayamatītya ramāsamīṣe
sthānaṃ sthiterupapayonidhitīralekhaṃ
tatpratya[yā]nmaratakākaratāṃ jagāma

4.6

tatra.........kaṭhora........kaṇṭhaśirīṣapuṣpakhadyotapṛṣṭhanavaśādvalaśaivalābhāḥ
kārṣṇīṃrasasya (ka)[ca] bhujaṅgabhugagrapiñchatulyatviṣo maratakā maṇayo bhavanti

4.8

tatraiva kiñcitpatitaṃ sa vittaṃ
jagrāha khe (samapati)[sapadi saṃpra]gato garutmān
mūrcchāparītassahasaiva nāsārandhradvayena pramumoca cāśu || (?) 7
yadyatra bhogondrabhujā (dvi)vi muktaṃ
papāta vittaṃ ditijeśvarasya
tasyākarasyātitarāṃ sa deśo
duḥkhopalabhyaśca guṇaiśca muktaḥ

4.9

yasminmarakatasthāne yatkiñcidupajāyate
sarvaṃ ca viṣave(śā)[gā] nāṃ praśamāya prakalpate

4.10

sarvamantrauṣadhiguṇairyanna śakyaṃ cikitsitum
mahāhidaṃṣṭrāprabhavaṃ viṣaṃ tattena śāmyati

4.11

anyadapyākare tasmin yaddoṣaiḥ parivarjitam
jāyate tatpavitrāya cottamaṃ sarvato hitam

4.12

atyantaharitavarṇaṃ sukumārā—ṣṭtānajaṭilaṃ ca
kāñcanapūrṇairastaṃ supūrṇamiva lakṣyate yacca

4.13

saṃsthānaguṇairyuktaṃ samarāgaṃ gauraveṇa cāhīnam
savituḥ karasaṃsparśācchudhyati yaccāśrayaṃ dīptyā

4.14

bhittvā ca haribho vayasyāntarabhedasamabhavā dīptiḥ | (?)
aciraprabhāprabhāvā navaśādvalasannibhā bhāti

4.15

yacca manasaḥ prasādaṃ vidadhāti nirīkṣamāṇamatimātram
tanmaratakaṃ mahāguṇamiti ratnavidāṃ manovṛttiḥ

4.16

varṇasyātimahattve yadapi ca susvacchakaraṇaparīvāraḥ
sāndraṃ dehaviśuddhaṃ kolambabahalaprabhādigdham

4.16.p1

varṇodbhavāya kāntyā sāndrākārāvabhāsamāyāti
tadapi ca guṇavatsaṃjñāmāpnoti na yādṛśī pūrvam
śabaraṃ jaraṭhaṃ malinaṃ rūkṣaṃ pāṣāṇaśarkarābhinnam
śliṣṭaṃ ca śilājatukā marakatamevaṃvidhaṃ viguṇam
yatsandhisaṃśleṣitaṃ ratnaṃ anyanmaratakādṛte
śreyaskarairna taddhāryaṃ vikretavyaṃ kathañcana
bhallātakaḥ putrikā ca tadvarṇasyānuyāyinaḥ
maṇermaratakasyaite lakṣaṇīyā vijātayaḥ
kṣaumorṇavāsasā spṛṣṭā dīptiṃ tyajati putrikā
chedanenaiva kācasya śakyā kartuṃ vibhāvanā
kasya cidanekarūpairmaratakamanugacchato viguṇayogaiḥ
bhallātakasya nāntarvaiśyamupaiti varṇasya
snānācamanajapyeṣu ratnamantrakriyā(ni)[vi]dhau
dadadbhirgohiraṇyādi kurvadbhirūstādhanāni ca
devāgnigurūpūjāsu(citrāva)[pitror] tithipūjane
bādhyamānaiśca vividhairdoṣajātairviṣodbhavaiḥ
doṣairmuktaṃ guṇairyuktaṃ kāñcanapratiyojitam
saṅgrāmaṃ praviśadbhirvā dhāryaṃ maratakaṃ yutam
yathā ca padmarāgāṇāṃ doṣairmūlyaṃ prahīyate
tathāsyābhyadhikā hānirdoṣairmaratakasya ca
haritamamalamacchaṃ nirvraṇaṃ nityarāgaṃ
gurutaracaturaśraṃ komalaṃ mudgavarṇam
hṛdayanayanakāntaṃ tejasā caiva yuktaṃ
maratakamiti tajjñaiḥ prekṣyate lakṣyamūlam
vajraṃ vihāya ratnānāṃ maṇayo ye vijātayaḥ
teṣāmapratibaddhānāṃ bhā bhavatyūrdhvagāminī
ṛjvāgatatvātkeṣāñcit kathañcidupajāyate
tiryagālo(cya)[kya] mānānāṃ sāpi yaiva vinaśyati
iti maratakaparokṣā samāptā
atha indranīlaparīkṣā
tatraiva siṃhalavadhūkarapallavāgravyālūnalolalavalīmukulapravālaiḥ
deśe papāta ditijasya nitāntanīla-

4.16.p2

lo(vrā)[śrā]kabhinnaketakavanapratibaddharekhā

Linked texts (2)