Ratnadipika (Candeshvara) 1.39

1.39

tasya piṇḍā[nu] sāreṇa vajramūlyaṃ vinirdiśet
pātreṇa yavamātreṇa duruhaṃ taṇḍulena tu
nirdoṣaṃ yavamātraṃ ca kāntiḥ sarvatra dūṣyate
mūlyaṃ pañcaśataṃ tasya ratnasāre'pyudāhṛtam
piṇḍaṃ ca dviguṇaṃ... [mū]lye vajra....va tathā bhavet
caturguṇaṃ bhavenmūlyaṃ triguṇo'ṣṭaguṇaṃ matam
catuḥpañcaṣaḍādīnāṃ kramavṛddhirbhavedyadi
tanmūlyaṃ dviguṇaṃ caiva ratnaśāstra udāhṛtam
gurutve cāgha(nā)[maṃ] mūlyaṃ sāmānye madhyamaṃ smṛtam
lāghave (u)[tū] tamaṃ mūlyamuttamādhamamadhyamāḥ
manasā bhāvayetpiṇḍaṃ paścānmūlyaṃ vinirdiśet
śvetapītaṃ ca raktābhaṃ kṛṣṇaṃ vā kuliśaṃ bhavet
brāhmaṇādikrameṇaiva jātibhedaṃ prakalpayet
uttamaṃ brāhmaṇe mūlyaṃ madhyamaṃ kṣatriye śrutam
sāmānyaṃ vaiśyajātīye śūdrajanmani cādhamam
yanmūlyaṃ brāhmaṇe proktaṃ pādādhaḥ kṣatriye bhavet
anenaiva krameṇāha parīkṣākāra eva naḥ
kṛtrimatvaṃ ya[vā][dā] vajre śakyate sūribhiḥ kvacit
kṣārāmlairlepayedvajraṃ raudre caiva parikṣipet
kṛtrimajātivaivarṇyaṃ saha paścā(tiddhi)[tudda]śyate
kṣīyate cātisaṅgharṣātta(ccū)[ttū]rṇaṃ yāti cūrṇatām
yattu vāritaraṃ nāma dūrvādalasamacchavi
cūrṇamāyatanaṃ yatra tadratnaṃ koṭibhājanam (?)
māhendro'yaṃ maṇirdhāryo dhanadhānyasamṛddhidaḥ