Vasturatnavali 12.82.2

12.82.2

krameṇāvāhya tato nandāyai namaḥ nandāmāvāhayāmi ityevaṃ bhadrā jayā riktā pūrṇāścāvāhya sampūjya
agniṃ pratiṣṭhāpya oṃ nandāyai svāhā oṃ bhadrāyai svāhā oṃ jayāyai svāhā oṃ riktāyai svāhā
oṃ pūrṇāyai svāhā iti ghṛtenāṣṭottaraśatamaṣṭāviṃśatyaṣṭānyatamasaṅkhyayā hutvā yāte rudra śivā
tanūraghorā iti aṣṭottaraśatamāhutīḥ śāntyartha hutvā prokṣaṇīsthān saṃssravān sthaṇḍilasyottarataḥ
sthāpitakalaśe nikṣipya (7) tenodakena śilānāṃ mūlamadhyaśriyaḥ sakuśairabhiṣicya bhūmiṃ sampūjya
vāstu-bhūmerīśānādikoṇeṣu caturhastaṃ gartaṃ khātvā gomayenopalipya tatra sarpākāraṃ
vāstupuruṣamakṣatairlikhitvā 'āvāhayāmyahaṃ devaṃ bhūmiṣṭhaṃ cāpyadhomukham| vāstunāthaṃ jagatrāṇaṃ
pūrvasyāṃ prathamāśritam|' ityāvāhya oṃ vāstoṣapate iti saṃpūjya prārthayetoṃ vāstu puruṣa namaste'stu bhūśayyābhirata prabho
madgṛhaṃ dhanadhānyādisamṛddha kuru sarvadā|| iti
(8) tata īśānākoṇe upaśilāṃ saṃsthāpya tasyā madhyagarte madhvājya-pāradapañcaratnagarbhitaṃ
pihitamukhaṃ padmakalaśaṃ (9) gandhapuṣpādibhiralaṅkṛtaṃ nidhāya oṃ padmāya namaḥ oṃ
ādhāraśilāyai namaḥ iti saṃpūjya tasya vāmabhāge dīpaṃ saṃsthāpya (10) kalaśopari prākaśirasaṃ
nandām oṃ sthiro bhava oṃ nābhi me iti maṃtradvayena saṃsthāpya sampūjya prārthayet - oṃ nande
tvaṃ nandinī puṃsāṃ tvāmatra sthāpayāmyaham | veśmani tviha santiṣṭha yāvaccandrārka tārakāḥ
āyuḥ kāmaṃ śriyaṃ dehi devavāsini nandinī | asmin rakṣā tvayā kāryā sadā veśmani
yatataḥ ' | iti | evameva āgneyādikoṇatuṣṭaye madhye ca caturhastagartaṃ khātvā vāstuṃ vilikhya