Venkateshiyaprayogamala 45.2
Veṅkaṭeśīyaprayogamālā 45.2
- Language
- Sanskrit
45.2
atha gaṇakūṭam || aśvī-mṛgaśiro-hastāḥ-svātī-puṣyaḥpunarvasuḥ || maitra-śravaṇa-revatya ete devagaṇāḥ smṛtāḥ || bharaṇī-rohiṇī cārdrā-pūrvātritayameva ca || uttarātrayasaṃyuktā ityete mānuṣagaṇāḥ || jyeṣṭhā-mūlā-maghā-''śleṣāviśākhā-tvāṣṭra-vāruṇāḥ || kṛttikā ca dhaniṣṭhā ca rākṣasāḥ parikīrtitāḥ || svagaṇaṃ cottamaṃ vidyānmadhyamau daivamānuṣau || kalahaṃ rākṣase deve maraṇaṃ narākṣasau || rākṣasī yadi
vā nārī naro bhavati mānuṣaḥ || doṣastatra na sandeho viparīte śubhāvahaḥ || devāsuragaṇe puṃsi yadi strī mānuṣe gaṇe || kramāduttamamadhyākhyau viparīto na śobhanau || asyāpavādaḥ
rāśīśayoḥ suhṛdbhāve mitratve vāṃśanāthayoḥ || gaṇābhāve'pi dampatyoḥ putrapautrādivṛddhayaḥ || māhendrārāśikūṭau ca syātāṃ vaśyasamāgame || gaṇābhāvena janito doṣo nāsti
śubhāvaḥ || gargastu 'grahamaitrī ca rāśiśca vidyete cettayoryadi || na gaṇābhāvajanitaṃ dūṣaṇaṃ na virodhakam' iti || iti gaṇakūṭam
Linked texts (4)
- Kālaprakāśikā — Nṛsiṃha, Sanskrit
- Saṃskāramālā — Sanskrit
- Saṃskāraratnamālā (Gopīnātha Dīkṣita Oka) — Gopīnātha Dīkṣita Oka 1700, Sanskrit
- Baudhāyanaprayogamālā — Veṅkaṭeśa, Sanskrit