Phaladipika 28.1

28.1

‘karmasthā balinastrayo gaganagāḥ svoccādivargasthitāḥ
karmeśaśca balādhiko yadi yatistattulyaśīlo'thavā
karmeśe balavarjite gṛhagṛhaprāpte durācāravān
tadyogapradamadhyagau dhanamadasthānādhipau kāmadhīḥ
tadyogapradakhecarairinakṣoṇīkumārānvitaḥ
saṃnyāsaṃ samupaiti vittatanayastrīvarjito mānavaḥ
saumyāṃśopagataḥ sahasrakiraṇastuṅgān‍tabhāgasthitaṃ
kheṭaṃ paśyati yauvane vayasi bālye yatīśo bhavet
śukrendupravilokite gatabale lagnādhipe nirdhano
bhikṣuḥ syādyadi tuṅgabhāṃśakayutastārāpatiṃ paśyati
ekasthairavilokite tu bahubhirlagneśvare dīkṣitastadyogaprabhāvakārakadaśābhuktau tadīyaṃ phalam
śītāṃśurāśīśaminātmajo vā lagneśvaraḥ paśyati dīkṣitaḥ syāt
bhaumarkṣage mandadṛgāṇabhāge mandekṣite śītakaraṃ yatiḥ syāt
‘jīvāramandalagneṣu mandadṛṣṭiyuteṣu ca | lagnāddharmagate jīve nṛpayoge'pi tīrthakṛt
navamasthānage candre nabhogairnavilokite | nṛpayoge'pi sañjāto dīkṣito nṛpatirbhavet
suraguruśaśihorāsvārkidṛṣṭāsu dharme gururatha bhūpatīnāṃ yogajastīrthakṛt syāt
navamabhavanasaṃsthe mandage'nyairadṛṣṭe bhavati narapayoge dīkṣitaḥ pārthivendraḥ’
aṣṭāviṃśo'dhyāyaḥ
upasaṃhārādhyāyaḥ
saṃjñādhyāyaḥ kārako vargasaṃjño vīryādhyāyaḥ karmajīvo'tha yogaḥ
yogo rājñāṃ rāśiśīlo grahāṇāṃ meṣādīnāṃ lagnasamprāptaśīlaḥ