Bhargavanadika 1.170.2
Bhārgavanāḍikā 1.170.2
- Language
- Sanskrit
1.170.2
kṛṣipaśudhanadhānyādyairyukto jñātito dhanaprāptimān
divasakarasya daśāyāṃ candragrahe khyātimān4 nṛpāttadhanaḥ
svarkṣadaśāyāṃ bhānoranekavittānvito'tivikhyātaḥ
vadhūgatabhānudaśāyāṃ paśumān matārthasiddhirasyāt
jūkagatabhānudaśāyāṃ sarvāriṣṭaṃ phalaṃ labhate
aligatabhānudaśāyāṃ saṃpadvāhanabhūṣaṇaṃ labhate
cāpagatabhānudaśāyāṃ nṛpāddhanaṃ sasukhaṃ5 labhate
makare bhānudaśāyāṃ parakāryarato na cātidhanaputraḥ
strīdoṣajanitaduḥkhavyādhyāmayato'ṅgahīno vā
kumbhagasūryyadaśāyāṃ hṛdrogasamanvito naṣṭasutadhanaḥ
piśunaḥ parānnabhojī bhāryājanaṃ bandhuvairiṇaṃ śubhaṃ vāpi
mīnagasūryya6daśāyāṃ strīprītyā labdhamānadhanasaukhyaḥ
viṣamajvarapīḍā syāt sutacintādano narendradhanaḥ
aṣṭamasaṃsthabhānudaśāyāmucco'pi syāddoṣavṛddhikarī
sadyo maraṇaṃ roge ruṇaddhi daśāphalaṃ vāpi
yāti na vā yāti mātāpitṛdoṣābhyāṃ kaścinnirodhaṃ janajñeyam
tasmādyogāt samyakparīkṣya paścāddaśāphalaṃ jñeyam¹
phalam—
uccasvakṣetrage sūrye kendralābhatrikoṇege²
ravidāya svabhuktau ca dhanadhānyādilābhakṛt
dehārogyaṃ vittalābhaṃ rājaprītikaraṃ śubham
mahārājaprasādena iṣṭasiddhikaraṃ bhavet
vāhanāmbarapaśvādi³grāmabhūmyādilābhakṛt
ṣaṣṭhāṣṭamavyaye sūrye dehajāḍyaṃ manorujam
yatnakāryavighātaṃ ca videśagamanaṃ tathā
lagnādhipena saṃyukte ādau saukhyajanāgamam
yatnakāryārthasiddhiḥ syādvivāhaṃ rājadarśanam
bhāgyādhipena saṃyukte bhāgyavṛddhikaraṃ śubham
satkarmajñānasiddhiṃ ca purāṇaśravaṇādikam⁴
vāhanādhisaṃyukte vāhanaṃ bhavati dhruvam
gṛhakṣetrādilābhaṃ ca catuṣpājīvalābhakṛt
Linked texts (2)
- Devakerala — Acyuta, Sanskrit
- Jātakasāradīpa — Nṛsiṃha, Sanskrit