Bhargavanadika 2.206
Bhārgavanāḍikā 2.206
- Language
- Sanskrit
Contents
- 2.206.p1 — 4 parts
2.206
anaḍvāhaṃ prakurvīta mṛtyuñjayajapaṃ caret
subrahmaṇyajapaṃ caiva śāntimāpnotyasaṃśayam¹⁷
2.206.p1.1
tatphalam —
lokopadravasidviśca svakārye mativibhramaḥ¹
cittavibhrāntidoṣaḥ syādrāhorabhyantare kuje
tatphalam—
durjanairjanavidveṣaḥ sarpadoṣaiśca bandhanam
śauryaśīlaratirhīnaṃ rāhoḥ sūkṣmagate kuje
phalam —
caṇḍālāgniviṣādbhītiḥ svapadacyutisaṅgatā
malinaśvātivṛttiśca rāhoḥ prāṇagate kuje
anyacca rāhudaśāyāṃ granthāntare viśeṣaphalamucyate
meṣasya rāhupāke tu dhanaṃ saukhyaṃ śriyaṃ labhet
vidyāsaṅgrahaṇaṃ kiñcicchūdraprāyo bhavennaraḥ
kujena saṃyute dṛṣṭe putradaḥ putranāśanaḥ
candreṇa sahite dṛṣṭe kṣetravāhanalābhadaḥ
guruṇā saṃyute dṛṣṭe dhanadaḥ kṣetranāśakaḥ
piturvyādhipadaṃ dadyādvidyālābhaṃ prayacchati
śaninā saṃyute dṛṣṭe bahurogadhanaṃ labhet
vṛṣastharāhupāke tu vidyā kalaha² eva ca
vākpāruṣyamṛgaṃ³ cāpi bahudhānyadhanāgamaḥ⁴
sūryeṇa saṃyute dṛṣṭe rājamūlāddhanakṣayaḥ
putrahānirdhānyalābhaṃ bahukopaṃ labhennaraḥ
candreṇa saṃyute dṛṣṭe grāmadeśādhipaḥ phaṇī
bhaumena saṃyute dṛṣṭe raṇavān bahuduḥkhavān
sarvasvaṃ ca layaṃ yāti netranāśo bhavettadā
budhena sahite dṛṣṭe śatrumūlāddhanakṣayaḥ
guruṇā saṃyute dṛṣṭe bhāgyavān priyavān bhavet
guruṇām̐ sahite rāhau pitṛnāśakarastathā
śaninā saṃyute dṛṣṭe bahudhānyāddhanāgamaḥ
ṛṇamūlānmānahānirbhrātṛ'vargavināśakaḥ
śukreṇa saṃyute dṛṣṭe bahuvittaṃ labhennaraḥ
strīgāṃ vipattimāpnoti anṛtaṃ vacanaṃ bhavet
yugmastharāhupāke tu sarvasaukhyadhanādidaḥ
raviṇā saṃyute dṛṣṭe putralābho vipattathā
candreṇa saṃyute dṛṣṭe mātṛnāśo'thavā vipat
kujena sahite dṛṣṭe bhrātṛnāśo bhaveddhruvam
jātasya vraṇarogo'pi bhaviṣyati na saṃśayaḥ
2.206.p1.2
budhena sahite dṛṣṭe bhrātṛlābho vipattathā
śatrubādhā vraṇaṃ cāpi bhaviṣyati suniścitam
guruṇā saṃyute dṛṣṭe bhāgyavān bhavati dhruvam
rājyabhraṃśo' mahatduḥkhaṃ pitṛvargavināśanam
śukreṇa saṃyute dṛṣṭe dhanavān strīvināśakaḥ
athavā vipadaṃ dadyāt strīmūlādṛṇavān bhavet
śaninā saṃyute dṛṣṭe pitṛnāśo'thavā bhavet
grāmadeśādhipatyaṃ ca bhrātṛnāśo dhanapradaḥ
keṃrkistharāhukāle tu pūrvakhaṇḍe'lpabhāgyavet
paścānmahādhanāḍhyaḥ syādgrāmadeśādhipo bhavet
sūryeṇa sahite dṛṣṭe bhrātṛnāśo bhaveddhruvam
putrasya vipadaṃ dadyādvidyākalahado' bhavet
candreṇa saṃyute dṛṣṭe bahudhānyadhanāgamaḥ
kṣīṇatve yadi candrasya māturmaraṇamādiśet
kujena sahite dṛṣṭe mātṛnāśo bhaveddbhruvam
sarvavittaṃ layaṃ yāti sarvasvamiti niścitam
budhena sahite dṛṣṭe śatrumūlāddhanavyayaḥ1
māturvā vipadaṃ dadyāt kiñcidvidyāprado bhavet
guruṇā saṃyute dṛṣṭe rājarājādhipo bhavet
deśabhraṃśastathā2 duḥkhaṃ madhye madhye layo3 bhavet
śukreṇa saṃyute dṛṣṭe śūdrastrīsaṅgamo bhavet
kalatrātsukhanāśaśca4 bhāgyavān bhavati dhruvam
śaninā saṃyute dṛṣṭe maṇḍalādhipatirbhavet
bhrātṛvargavināśaśca pāpakarma samācaret
jātake balavattve ca evaṃ bhavati niścitam
daridra5jātake'pyevaṃ kiñcitkiñcidbhaviṣyati
siṃhastharāhudāye tu saukhyaṃ dhānyaṃ dhanāgamaḥ6
bandhanaṃ putranāśaśca7 buddhijāḍyaṃ bhavennṛṇām8
kanyāsaṃsthasya rāhostu pāke duḥkhaṃ vinirdiśet
āptanāśaṃ bhayaṃ rogaṃ śatrupīr̤āṃ9 dhanakṣayam
evaṃ pūrve ca khaṇḍe syādantye saukhyaṃ dhanaṃ labhet
madhyadāye madhyamaṃ syādādāai duḥkhaṃ labhennaraḥ
2.206.p1.3
tulāsaṃsthasya rāhostu mūtrakṛcchraṃ manorujā10
madhye madhye dhanaṃ dhānyaṃ kalatrasya ca pīḍanam
randhrasya rāhupāke tu deśabhraṃśo manorujā11
pitrādināśanaṃ vāpi svayaṃ maraṇameti ca
cāpastharāhukāle tu pitṛnāśo'thavā vipat
bhrāturvā vipadaṃ dadyāt kiñciddhānyadhanāgamam
mṛgastharāhupāke tu karmasiddhimupaiti ca
puṇyatīrthābhiṣekaṃ ca antye saukhyamupaiti ca
kumbhastharāhupāke tu kiñciddhānyaṃ dhanāgamam
śukreṇa saṃyute dṛṣṭe bahudhānyadhanāgamam
guruṇā saṃyute dṛṣṭe dhananāśaṃ tathā dhanam
mīnastharāhupāke tu sarvasvaṃ labhate kṣayam
kiñciddhānyaṃ dhanaṃ cāpi bahuduḥkhaṃ labhennaraḥ
evameva phalaṃ nṝṇāṃ rāhoḥ pāke bhaviṣyati
bhāgyajāte bhāgyalābho dāridrye svalpabhāgyadaḥ
guruṇā saṃyute dṛṣṭe dhanadhānyasya kārakaḥ
bhāgyarāśigate rāhau dhanalābhapasaṃyutaḥ
eteṣāṃ vīkṣaṇādvāpi dhanadhānyasya kārakaḥ
kendratrikoṇapatibhiḥ svoccasvarkṣagatairgrahaḥ1
samanvitau rāhuketū iṣṭabhāve ca bhāgyadau
aniṣṭarāśisahitau iṣṭabhāvapasaṃyutau
iṣṭeśavīkṣaṇādvāpi daśānte ca sukhapradau2
balavatsthānago3 rāhurbhāgyakarmeśavīkṣitaḥ
aniṣṭasthānago vāpi daśānte ca dhanapradaḥ
yadyadbhāvagato rāhustadbhāveśaḥ svaniṣṭhagaḥ4
dhanadhānyavināśaṃ ca dāridyraṃ yāti niścayam
dhanabhāvagate rāhau vyayeśena nirīkṣite
bhāgye vā lābharāśau vā tathā cetsarvahārakaḥ
dhanabhāgyādhipaiḥ sākaṃ yuktaścedrāhureva hi
ṣaṣṭhāṣṭavyayasaṃsthaścetsarvasvaṃ harati dhruvam
ketorapyemeva5 syādvinā karkyādipañcakam6
teṣu ketoḥ svalpaphalaṃ rāhuścetsuhṛdāyakaḥ7
ṣaṣṭhāṣṭavyayago rāhuketū8 duḥkhaṃ tathā bhayam
2.206.p1.4
dhanadhānyasya nāśaṃ ca kalahaṃ paśunāśanam
tṛtīyalābharāśisthe saukhyaṃ dhānyadhanāgamam
karyādipañcage lagne sthitaścetpañcadāyakaḥ
anyabhāvasthito lagne duṣkīrtirdehaśoṣaṇam
dhanabhāvagato rāhuḥ ketuśceddāraṇaṃ bhavet
caturthe mātṛnāśaṃ ca sukhaṃ duḥkhaṃ tathā dhanam
pañcame putranāśaṃ ca sukhaduḥkhaṃ tathā dhanam
putrādhipe balavati putralābhaśca bandhanam
ṣaṣṭhe rāhurvyādhibhayaṃ duḥkhapīḍāṃ karoti ca
saptame putranāśaṃ ca bhāryānāśaṃ sukhaṃ dhanam
randhrastharāhupāke tu sarvasvaṃ labhate kṣayam
dharmastha rāhupāke tu bandhanaṃ putranāśanam
kiñcitsaukhyaṃ kṛṣerlābhaṃ balī ceddhanavān bhavet
rāhupāke karmasaṃsthe dhanavāhanalābhavān
karmasiddhimavāpnoti śubharāśigato yadi
pāparāśigataścedvā pāpakarma samācaret
evamālocya vaktavyaṃ śubhāśubhaphalaṃ budhaiḥ
2.206.p2
iti hārapradīpikāyāṃ rāhumahādaśānirūpaṇaṃ nāma trayodaśo'dhyāyaḥ
Linked texts (1)
- Kālaprakāśikā — Nṛsiṃha, Sanskrit