Bhargavanadika 3.113.6

3.113.6

svoccasvakṣetrage bhaume śubhadṛṣṭiyutekṣite
ādau śubhaphalaṃ caiva grāmabhūmyādilābhakṛt
gṛhakṣetraṃ bhūmilābhaṃ rājānugrahavaibhavam
ṣaṣṭhāṣṭamavyaye bhaume nīce pāpasamanvite
jvarāgniśastrapīḍā ca śatruvṛddhi⁷stathaiva ca
apasmārapiśācādirunmādo ⁸bhrāntipīḍanam
sthānacyutiṃ prayāṇaṃ ca virodhaṃ bandhubhistathā
akasmātkalahaṃ caiva aśubhaṃ vyādhipīḍanam
bhāgyakarmeśasaṃbandhe bhūlābhaṃ saukhyameva ca
dāyeśātkendrakoṇe vā duścikye lābhage'pi vā
rājaprītiṃ yaśolābhaṃ putramitrādisaukhyakṛt
ṣaṣṭhāṣṭamavyaye bhaume dāyeśāddhanage'pi vā
bhrāntiṃ karoti maraṇaṃ videśe vā pariśramam
prameha mūtragulmādirājacorāgnipīḍanam
phalamādau tathānte tu kiñcitsukhavivardhanam
karoti vividhaṃ duḥkhaṃ śrāddhabhuktaṃ tvanantaram
dvitīyasūnanāthe vā tāpajvaraviṣāddvayam
dārapīḍā mahākleśaścāpamṛtyubhayaṃ bhavet
anaḍvāhaṃ prakurvīta sarvasaṃpatpradāyakam
phalam -
raktātisārahikkā dīplīhakuṣṭhavraṇādikam
bhūtopadravadoṣaśca ketorabhyantare kuje
phalam -
aśanerviṣabhītiśca duṣṭacorādipīḍanam
gulmarogaṃ śirorogaṃ ketoḥ sūkṣmagate kuje
phalam -
tīvraroṣaḥ śatruvṛddhirasādhyāṅganipīḍitā
annapānādiviruciḥ ketoḥ prāṇagate kuje
phalam -
bhūtāveśaṃ kvaciddhāntiṃ mūtrasrāvaṃ kvaciddvayam
corarājabhayaṃ caiva ketorantargate'pyahau
corairvā śastrakalahaṃ deśatyāgaṃ ca durvacaḥ
bandhubhiḥ saha saṃvādaṃ ketorantargate phaṇau
panthāntare—
harivarakhalanṛpāgniścorairbhayamapi pannagajaṃ vadanti tasmin
khalataravacanaṃ duriṣṭaceṣṭā tamasi gate'tra śikhītṛjātamāyuḥ