Bhargavanadika 3.12-2

3.12-2

alpakāryaṃ cālpabuddhirdehatāpo¹ mahadbhayam
pravāsayātrarāgamanaṃ dhanadhānyapradāyakam
tāmasātkāryasiddhiśca² rājānugraha³śāntikam
pāpānvite pāpaddaṣṭe dehālasyaṃ manorujā⁴
dehasaṃbandhamaraṇaṃ dhanadhānyavināśanam
āyudhena bhayaṃ caiva dāraputrādināśanam
dāyeśātkendrakoṇe vā dhane vā lābhage'pi vā
sodareṇa virodhaḥ syādviṣa⁵śastrāgnipīḍanam
aśubhagrahakarmāṇi duḥsvapnādibhayaṃ dhruvam
akasmātkalahaścaiva⁶ kṣudraśūnyādirogakṛt
dvisaptamasthite jīve dehabādhāṃ⁷ vinirdiśet
taddoṣaparihārārthaṃ chāgadānaṃ ca kārayet
phalam—
strīlābhaḥ⁸ putralābhaśca⁹ mitralābho¹⁰ dhanāgamaḥ¹¹
saubhāgyaṃ vastralābhaśca¹² śanerabhyantare gurau
phalam—
saṃbhogo¹³ rājasaṃmānaṃ dhanadhānyavivardhanam
cāmaracchatrasaṃyuktaṃ śanisūkṣmagate gurau
phalam—
senāpatirbhūmilābhaḥ¹⁴ saṃgamo¹⁵ nṛpapūjanam
gandhānnapānasaṃpattiḥ śaneḥ prāṇagate gurau
atha budhadaśāphalaṃ vakṣyate
putatacai rū 17
phalamatyuccasomātmajadāyakāle dharmānvitaḥ khyātimupaiti saukhyam
jñānaṃ ca kīrtiṃ jananāyakatvaṃ strīputrabhūmyarthamahotsavaṃ ca
uccānvitasyāpi śaśāṅkasūnordaśā mahattvaṃ kurute'rthasiddhim
dehasya puṣṭiṃ dhanadāraputragovājimattebhamṛdaṅganādam
ārohiṇīṃ saumyadaśāṃ prapanno yajñotsavaṃ govṛṣavājisaukhyam
mṛdaṅgabhūṣāmbaradhānyalābhaṃ vāṇijyabhūmyarthaparopakāram
śaśāṅkasūnostvavarohiṇī yā daśā mahatkaṣṭataraṃ ca duḥkham
vijñānahāniḥ paradārasaṅgaḥ nṛpāgnicorairbhayamatra kalpam
nīcasthacandrātmajadāyakāle jñānaṃ vihīnaṃ svajanairviyuktam
padacyutirbandhuvirodhatā ca videśayānaṃ vanavāsaduḥkham
mūlatrikoṇānvitadāyakāle rājyaṃ mahatsaukhyakaraṃ ca kīrtim
vidyāvilāsaṃ nigamāntaśīlaḥ purāṇadharmaśravaṇādipūtaḥ
svakṣetragasyāpi śaśāṅkasūnoḥ prāptau daśāyāṃ dhanadhānyasaṃpat
vāṇijyagobhūmisutārthadāramṛdaṅgapānāmbarabhūṣaṇāptim
śaśāṅkasunoratiśatrurāśiṃ gatasya pāke vipadaṃ ca duḥkham
udyogabhaṅgaṃ svajanairvirodhaṃ yajñādivighnaṃ śubhakarmanāśam
śaśāṅkasūnostvarirāśigasya śatrorbhayaṃ bhūpatikopajātam
vidyāvihīnaṃ kulahīnasevā kubhojanaṃ dārasutārthanāśaḥ
mitrakṣetradaśāyāṃ śaśāṅkasūnostanayādisaukhyam
nāmadvayasaṃprāptiṃ nāmāṅkitagadyapadyakāvyāni
mitragadaśāṃ prapannāṃ mahāttvatāṃ yānti sutārthasaukhyam
bhūmipatimaitrasaukhyaṃ dhanasutadārāśca bandhusamānam
samarkṣagasyāpi śaśāṅkasūnordaśāsukhaṃ dhānyasutāmbarāṇi
karoti rājyaṃ sitamannavighnaṃ vijñānahīnaṃ vikaṭādirogam