Bhargavanadika 3.172.2

3.172.2

ravitanayadaśāyāṃ rāṣṭrapīḍāprahārapratijanitavibhūtipreṣyavṛddhāṅganābhiḥ
paśumahiṣavṛṣāptiḥ putradāraprapīḍā bhava(?) kaphagadārtiḥ pādahastāṅgata tāpa
bādhiryaṃ mānahāniḥ syānmadyapānaratiḥ sadā
vaṃśahāniryaśoduḥkhaṃ saurasyāntardaśāphalam
mūlatrikoṇasvarkṣe vā tulāyāmuccage'pi vā
kendratrikoṇalābhe vā rājayogādisaṃyute
rājyalābho¹ mahatsaukhyaṃ dāraputrādivardhanam
vāhanacchatrasaṃyuktaṃ gajāśvāmbarasaṃkulam
mahārājaprasādena aśvāndotyādilābhakṛt
ṣaṣṭhāṣṭamavyaye mande nīce vā pāpasaṃyute
tadbhuktyādau rājabhītirviṣaśastrāgnipīḍanam
raktasrāvo² gulmarogo³ nigaḷaṃ bandhanaṃ tathā
madhye corāgnibhītiśca deśatyāgo⁴ manorujā⁵
antye śubhakaraṃ caiva rājaprītikaraṃ śubham
randhranāthayute naiva apamṛtyurbhaviṣyati
taddoṣaparihārārthaṃ mṛtyuñjayajapaṃ caret
kṛṣṇāṃ gāṃ mahiṣīṃ dadyāddānenārogyamādiśet
phalam—
deśatyāgo mṛgāṅgītiḥ kukṣirogo dhanakṣayaḥ
agninā dahanaṃ kuṣṭhamantarāntargate śanau
phalam -
dāranāśo mahāvyādhiḥ śatrupīr̤ākṣirogakṛt
bhikṣācāramanoduḥkhaṃ saureḥ sūkṣmadaśāphalam
phalam—
jvarātisāratāpaśca kuṣṭharogo⁶ jale mṛtiḥ
iti sarvasamāsena saureḥ prāṇadaśāphalam
phalam —
subhagatvamasti rahitā vanitā stanapālanaṃ^1 vijayamitrayutaḥ^2
trigadodbhavaḥ sahajaputrarujā śanidāyahāriṇi^3 śaśāṅkasute
anyacca—
svakṣetraṃ vājilābhaśca^4 vibhavo dhānyasaṃbhavaḥ
guruśiṣyaiśca saṃpannaḥ śanerantargate budhe
granthāntare—
mandasyāntargate saumye trikoṇe kendrage'pi vā
lābhe vā dhanasaṃsthe tu svoccasvakṣetrage'pi vā
saṃmānaṃ ca mahatkīrtirvidyālābho dhanāgamaḥ