Bhargavanadika 3.172.5

3.172.5

strīmūlādvahulābhaśca rājastrīpriyabhāṣitam
anekarājasaṃmānaṃ senādhikyaṃ mahatsukham
devatāgurubhaktiśca vivāho¹ bhavati dhruvam
uttarāṃ diśamāśritya prayāṇaṃ rājadarśanam
yuddhasannāhakāryāṇi śatruhāniḥ² pratāpavān
ṣaṣṭhāṣṭamavyaye śukre śubhadṛṣṭisamanvite
alpakāryaṃ cālpabuddhirālpalābho³ mahadbhayam
pravāsayātrāyamanaṃ dhanadhānyapradāyakam
tāmasāt kāryasiddhiḥ syādrājānugrahaśāntikam
pāpānvite pāpakṛṣṭe dehālasyaṃ manorujā⁴
dehasaṃbandhamaraṇaṃ dhanadhānyavināśanam
āyudhena bhayaṃ caiva dāraputrādināśanam
dāyeśāt kendrakoṇe vā dhanage lābhage'pi vā⁵
vibhavo⁶ dārasaubhāgyaṃ rājaśrīdhanasaṃpadam
ratnamāṇikyahemādi gajāśvaṃ lābhameva ca
utsāhaśauryaṃ labhate kṣīrājyaṃ sukhabhojanam
pradhānamantritaṃ caiva senādhikyaṃ mahadyaśaḥ
annadānaṃ mahatkīrtiṃ puṇyaślokādikīrtanam
dāyeśātṣaṣṭharandhre vā vyaye vā balavarjite
bandhudveṣaṃ manoduḥkhaṃ lubdhatvaṃ dhānyanāśanam
kārāgṛhapraveśaśca⁷ putradārādipīḍanam
dvitīyadyūnanāthe vā dārakleśo⁸ bhaviṣyati
taddoṣaparihārārthaṃ viṣṇusāhasrakaṃ japet
phalam —
vāhanaṃ chatrasaṃyuktaṃ rājyalābhaśca vaibhavaḥ⁹
dānadharmaratiḥ śrīmān śanerabhyantare bhṛgau
phalam -
aiśvaryamāyudhābhyāsaścā'bhiṣekeṇa vaibhavaḥ 2
ārogyamarcanaṃ śāntiḥ śanisūkṣmagate bhṛgau
phalam -
putrārthavibhave sākhyaṃ khyātimānādisaṃbhavaḥ
agnihotravivāhaśca śaneḥ prāṇagate bhṛgau
tatphalam -
maraṇaṃ tu vā ripubhayaṃ satataṃ guruvarga ruṅgjanetrarujam
dhanadāraviyutiriha prabhavedadvijāyurāharati tīvrakare
anyañca -
duḥkhadiśokakalaho vyākulaṃ maraṇaṃ bhayam