Bhargavanadika 3.180-2.3

3.180-2.3

vastrānnadānabhūṣā⁴ ca sevanaṃ prabhumandire
bhojanādiṣu saukhyaṃ syād budhasyābhyantare vidhau
phalam -
saubhāgyaṃ sthirabuddhiśca sarvasaṃpaddhanāgamaḥ⁵
satkāro gurudarśī ca budhasūkṣmagate vidhau
phalam -
ārogyaṃ dhanalābhaṃ ca vastralābhaṃ ca bhūṣaṇam⁶
rājapūjyo bhavennityaṃ budhaprāṇagate vidhau
phalam -
pitṛvargavināśaṃ ca śatruśastrabhayañjvaram
corāntakabhayaṃ caiva⁷ budhasyāntargate kuje
agnibhītirapi netrajā rujā
corajaṃ bhayamatīva duḥkhitā
mānahāniratha vātarogitā⁸
jñāyurāharati⁹ medinīsute
anyacca—
1strīdyūtaṃ vyasanaṃ caiva śatrubhītisudāruṇam
parakṣobhaṃ manastāpaṃ budhasyāntargate kuje
granthāntare—
budhasyāntargate bhaume lagnāt kendratrikoṇage
svocce vā svakṣage bhaume lagnādhipasamanvite
rājānugrahaśāntiśca gṛhe kalyāṇasaṃbhramaḥ2
lakṣmīkaṭākṣacihnāni naṣṭarājyārthalābhakṛt
putrotsavādisantoṣaṃ gṛhe godhanasaṃkulam
gṛhakṣetrādilābhaṃ ca gajavājisamanvitam3
rājaprītikaraṃ caiva strīsaukhyādi ca bhūṣaṇam
nīcārikṣetrasaṃyukte ṣaṣṭhāṣṭavyayage'pi vā
pāpadṛṣṭiyute vāpi dehatāpaṃ manovyathā
udyogabhaṅgaṃ dehārtiṃ svagrāme dhānyanāśanam
granthiśastravraṇādīni tāpajvaravraṇādikam
dāyeśāt kendrakoṇe vā bhaume lābhagate sati
śubhadṛṣṭa4 ca saṃprāpte dehasaukhyaṃ dhanāgamaḥ5
putralābho6 yaśovṛddhibhrātṛvargānmahadbhayam
dāyeśādripurandhrasthe vyaye vā pāpasaṃyute
tadbhuktyādau mahākleśo7 madhye rājapriyo bhavet8
antye tu jvarabhītiśca sthāna9bhraṃśo'thavā dhruvā
dvitīyadyūnanāthe vā apamṛtyurbhaviṣyati
anaḍvāhaṃ prakurvīta mṛtyuñjayajapaṃ caret