Bhargavanadika 3.224.1

3.224.1

etāni sarvarāśiṣu jīvasya daśāphalāni nirdiśya¹
pratyekaṃ rāśiphalaṃ tasmādūrdhvaṃ samādiśettajjñaḥ
granthāntare—
svoccasvakṣetrage jīve kendre vā yadi koṇage
mūlatrikoṇalābhe vā tuṅgāṃśe svāṃśake'pi vā
rājyalābhaṃ mahatsaukhyaṃ devabrāhmaṇabhojanam
gajavājisamāyuktaṃ rājasaṃmānakīrtidam
videśabhāgyalābhaṃ ca senāpatyaṃ mahatsukham
dāraputrādisaukhyaṃ ca vāhanāmbarakīrtikṛt²
yajñādikarmasiddhiṃ ca³ puṇyaślokādikīrtanam
naṭanāṭyapriyo nityaṃ vedaśāstrārthapāragaḥ
mahārājaprasādena iṣṭasiddhisukhādhikam
āndolikādilābhaṃ ca kalyāṇaṃ ca mahatsukham
devālayataṭākādipuṇyakarmādisaṅgraham
ārāmakaraṇotsukaḥ⁴ annadānapriyaṃ sukham
nīcasthānagate jīve ṣaṣṭhāṣṭavyayarāśige
rājyanāśaścārthanāśaḥ⁵ putrapīḍā mahadbhayam
dehapīḍā manastāpo⁶ videśagamanaṃ tathā
catuṣpājjīvahāniśca gṛhakṣetrādināśanam
duścikye dhanage jīve rājasaṃmānameva ca
mitrarkṣe bhrātṛvarge ca dhanadhānyādisaṃpadaḥ
sodaraprabalaṃ saukhyaṃ gṛhakṣetrādivardhanam
vyavasāyātphalādhikyaṃ govājidhanasaṃkulam
satkīrtidhanalābhaṃ ca gandhamālyādibhūṣaṇam
śubhadṛṣṭiyute jīve deśādhikyaṃ mahotsavaḥ⁷
vivāhaḥ⁸ śubhakāryāṇi agniṣṭomādikaṃ phalam
pāpadṛṣṭiyute jīve dehajāḍyaṃ paribhramaḥ⁹
haṭhādvā kulakāryāṇi kāryavighno¹ mahadbhayam
ādau kaṣṭaṃ bhayaṃ caiva catuṣpājjīvanāśanam
madhyānte sukhamāpnoti rājasaṃmānavaibhavam
granthāntare—
jivadaśāyāṃ meṣe gaṇanāyako jñānavānnarendradhanaḥ
dārasutamitrabhogaiḥ samanvito vigatarogaśca
vṛṣabhāśritajīvadaśāyāṃ pravartate rogapīḍite duḥkhī
anyatra deśavāsī svatrotsāhāddhanaṃ samāpnoti