Bhargavanadika 3.224.10

3.224.10

ṣaṣṭhāṣṭamavyaye sūrye nīce vā pāpasaṃyute
śirorogādipīḍādyā jvarapīḍā tathaiva ca
satkarmatvavihīnatvaṃ pāpakarmarataḥ sadā
sarvatra janavidveṣo¹⁰ bandhanaṃ kāryanāśanam
akasmātkalahaścaiva¹¹ jīvasyāntargate ravau
dāyeśātkendrakoṇe vā duścilke lābhage'pi vā
dhanalābhaścārthalābhaḥ¹² putralābhastathaiva¹³ ca
manovākcintitaṃ kāryaṃ svakalyāṇa¹⁴mahotsavaḥ
dehapīḍā ca madhyānte ādau saukhyamavāpnuyāt
utsāhaṃ bandhukalyāṇaṃ gṛhe lakṣmīkaṭākṣakṛt
dāyeśādripurandhrasthe vyaye vā pāpasaṃyute
karoti svakulācāraṃ hīnaṃ dhānyārthanāśanam
samānaśokasantāpaṃ dārakleśaṃ mahadbhayam
śubhayukte śubhairdṛṣṭe mahatsaukhyaṃ dhanāgamaḥ¹
deśagrāmādhipatyaṃ ca yaśaḥ kīrtiḥ pratāpavān